Junoon ko zabt sikha loon to phir chalay jana
Main apna aap sambhaal loon phir chalay jana
Usi tarah hai abhi tishnagi in aankhon main
Main in ki pyaas bujha loon to phir chalay jana
Dil ko yeh weham keh tum loat kar na aayo gay
Yeh weham dil se nikaalon to phir chalay jana
Biyaz-e-dil pe jo utri hai surat-e-ilhaam
Woh ghazal tum ko suna loon to phir chalay jana
Nisaar hotay hain shamma pe kaisay parwanay
Yeh jashan tum ko dikha loon to phir chalay jana
No comments:
Post a Comment