Aahan ki surkh taal pe hum raqs kartay hain
Taqdeer teri chaal pe hum raqs kartay hain
Panchi banay to rifat-e-aflaak par urray
Ehal-e-zameen kay haal pe hum raqs kartay hain
Kaanton se ehtajaaj kiya hai kuch is tarah
Gulshan ki daal daal pe hum raqs kartay hain
Wa'iz ! faraib-e-shouq ne hum ko lubha liya
Firdos kay khayal pe hum raqs kartay hain
Her aaitabar-e-husan nazar se guzar gaye
Her halqa haye jaal pe hum raqs kartay hain
Maanga bhi kya to qatra-e-chasham-e-tasarfaat
"Saghar" teray sawal pe hum raqs kartay hain
No comments:
Post a Comment