Maal-e-naghma-o-maatam farokhat hota hai
Khushi kay saath yahan gham farokhat hota hai
Woh jsi ko aaj bhi kuch log husan kehtay hain
Ba'sd nigarash-e-pe'ham farokhat hota hai
Faraib khurda tabasum khareednay kay liye
Waqar-e-deeda-e-purnam farokhat hota hai
Baray haseeb ghaneray siyah pardon main
Jamaal-e-asmat-e-mariyam farokhat hota hai
Bahar-e-wadi-e-gang-o-jaman kay saath ayhan
Waqar-e-kosar-o-zam'zam farokhat hota hai
Woh jisam-e-mar'mareen nazrein bhi jis ko chu na sakein
Bara-e-ronaq-e-aalam farokhat hota hai
Talism-e-khana sad rang-o-bu main ae saghar
Faraib-e-shola-o-shabnam farokhat hota hai
No comments:
Post a Comment