Ae dewaro kuch to bolo
Jhooti chup kay bandhan kholo
Shayed koi qulzam niklay
Sehraon ki jaib ta'tolo
Un ka wada subha ka tara
Yeh chingari mann main chubho lo
Is shab ki majrooh sehar tak
Jaltay rehna dil kay pha'pholo
Raat ka punchi kehta jaye
Din charh aaya aankhein kholo
Ravi ki lehron pe naacho
Ae punjab kay tapo , dholo
Phool khilein barsaat main jaisay
Aaj zara hans hans kar ro lo
Saqi ! pani may ban jaye
Saghar kay ashaar ko gholo
No comments:
Post a Comment