Sehan-e-kaaba bhi yahi hai to sanam khanay bhi
Dil ki duniya main gulistan bhi hain veeranay bhi
Log kehtay hain ajara hai teray jalwon par
Itnay arzan to nahin teray dewanay bhi
Aatish-e-ishq main pathar bhi pighal jatay hain
Mujram-e-soz-e-wafa shamma bhi , parwanay bhi
Kuch fasano main haqeeqat ki jhalak hoti hai
Kuch haqeeqat se bana letay hain afsanay bhi
Meray ashaar hain tasveer-e-tamana Saghar
In aagosh main hain dard kay afsanay bhi
No comments:
Post a Comment