Takhat hai aur kahani hai wohi
Aur sazish bhi purani hai wohi
Qazi-e-shaher ne qibla badla
Lakin khutbay main rawani hai wohi
Khaima kash ab kay zara dekh kay ayo
Jis pe pehra tha , yeh pani hai wohi
Sulha ko fasak kiya dil main magar
Ab bhi paigham-e-zubani hai wohi
Aaj bhi chehra khurasheed hai zard
Aaj bhi shaam sohani hai wohi
Badlay jatay hain yahan roz tabeeb
Aur zakhmon ki kahani hai wohi
Hujla-e-gham youn hi aaraasta hai
Dil ki po'shaak sohani hai wohi
Shaher ka shaher yahan doob gaya
Aur dariya ki rawani hai wohi
No comments:
Post a Comment