Idher to shaher kay ganjey meri talaash main hain
Udher tamaam lafangey meri talaash main hain
Main un ka maal ghaban kar kay jab say baitha hoon
Yateem khaaney kay bachey meri talaash main hain
Mila hai nuskha jawaani palat ka jab say mujhey
Tumharey shehar kay Budhay meri talaash main hain
Main jin kay waastey jootey chura lay Jail gaya
Woh lay kay haath mein jootey meri talaash main hain
Diya hai naam kafan chor jab say tum ne mujhey
Puraani qabron kay murdey meri talaash main hain
Patey ki baat jo moonh say nikal gayi pagal
Tumharey shaher kay pagley meri talaash main hain
No comments:
Post a Comment