Imran's Poetry

Jun 2, 2014

December main apni aankhon ki nami se

mujhay yeh matti nam karni hai

ta keh ugg sakay is banjar zameen par

woh fasl-e-gul jis ka izhaar

iqbaal ky lafzon main hai

Raqas main raat hai badan ki tarah

Raqas main raat hai badan ki tarah

Raqas main raat hai badan ki tarah

barishon ki hawa main , ban ki tarah

chaand bhi meri karwaton ka gawah

meri bistar ki her shikan ki tarah

chaak hai daaman qaba-e-bahar

meray khawabon ky pehrahan ki tarah

zindagi , tujh se door reh kar main

kaat loon gi jila watan ki tarah

mujh ko tasleem, meray chaand keh main

teray hamraah hoon ghun ki tarah

baar ha tera intizaar kiya

apnay khwabon main ik dulhan ki tarah

Taraash kar meray baazu uraan chor gaya

Hawa kay paas bar'hana makan chor gaya

Rafaqaton ka meri , us ko dhiyaan kitna tha

Zameen lay li magar aasman chor gaya

Ajeeb shakhs tha , barish ka rang dekh kay bhi

Khulay dareechay pe ik phool'daan chor gaya

Jo badalon se bhi mujh ko chupaye rakhta tha

Barhi hai dhoop to be'saa'ibaan chor gaya

Nikal gaya kahin un'dekhaye paniyon ki taraf

Zameen kay naam khula baad'baan chor gaya

Uqaab ko thi gharz fakhita pakarnay se

Jo gir gayi to youn hi neem jaan chor gaya

Na'janay kon sa asaib dil main basta hai

Keh jo bhi tehra woh aakhir makan chor gaya

Aqab main gehra samandar hai , samnay jungle

Kis intihaa pe mera meharban chor gaya

Tarash kar meray bazoo uraan chor gaya

Tarash kar meray bazoo uraan chor gaya

Tarash kar meray bazoo uraan chor gaya
hawa ke paas barhan amakaan chor gaya

rafaqaton ka meri , us ko dehaan kitn atha

zameen ly li magar asmaan chor gaya

ajeeb shakhs tha , barish ka rang dekh ky bhi

khulay dareechay pe ik phool'daan chor gaya

jo badlon se bhi mujh ko chupaye rakhta tha

barhi hai dhoop to be'saybaan chor gaya

nikal gaya kahin un'dekhay panion ki taraf

zameen ky naam khula baad'baan chor gaya

uqaab ko thi gharz fakhata pakarney se

jo gir gyi youn hi neem'jaan chor gaya

na'janey kon sa asaib dil main basta hai

keh jo bhi tehra woh aakhir makaan chor gaya

aqab main gehra samandar , samney jungle

kis intiha pe mera mehrbaan chor gaya

Dhoop ka mousam

Main rang main dekhti thi , kushbu main sochti thi

mujhay gumaan tha

keh zindagi ujli khwaishon ke chragh le kar

meray dareechon main roshni-e-naveed ban kar utar rahi hai

main kohar main chandani pehan kar

banafshi badal ka hath thamay

fiza main parwaaz kar rahi thi

samaton main sa'haab lehjon ki barishein thein

basaraton main gulaab chaheron ki roshni thi

hawa ki resham rafaqa'tein thein

hayat khawabon ka silsala thi

khulein jo aankhain to saray manzar dhanak ky us paar reh gaye tahy

na rang meray , na khwaab meray

huye to bas kuch azaab meray

na chaand ratain , na phool batain

na neel subhein , na jheel shamein

na koi aahat , na koi dastak

haroof mafhoom kho chukay thay

alamatein banjh ho chuki thein

gulabi khawabon ky perahan raakh ho chukay tahy

haqeeqaton ki barhangi

apni sari safakiyon ky hamraah

jism-o-jaan par utar rahi thi

woh mehrbaan , saya daar badal

azaab ki rut main chor kar mujh ko ja chuka tha

zameen ki tez dhoop aankhon main chubh rahi thi

Main rang main dekhti thi , kushboo main sochti thi

Main rang main dekhti thi , kushbu main sochti thi

mujhay gumaan tha

keh zindagi ujli khwaishon ke chragh le kar

meray dareechon main roshni-e-naveed ban kar utar rahi hai

main kohar main chandani pehan kar

banafshi badal ka hath thamay

fiza main parwaaz kar rahi thi

samaton main sa'haab lehjon ki barishein thein

basaraton main gulaab chaheron ki roshni thi

hawa ki resham rafaqa'tein thein

hayat khawabon ka silsala thi

khulein jo aankhain to saray manzar dhanak ky us paar reh gaye tahy

na rang meray , na khwaab meray

huye to bas kuch azaab meray

na chaand ratain , na phool batain

na neel subhein , na jheel shamein

na koi aahat , na koi dastak

haroof mafhoom kho chukay thay

alamatein banjh ho chuki thein

gulabi khawabon ky perahan raakh ho chukay tahy

haqeeqaton ki barhangi

apni sari safakiyon ky hamraah

jism-o-jaan par utar rahi thi

woh mehrbaan , saya daar badal

azaab ki rut main chor kar mujh ko ja chuka tha

zameen ki tez dhoop aankhon main chubh rahi thi

Dar lagta hai

Sotay main bhi

Chaheray ko aanchal se chupaye rehti hoon

dar lagta hai

palkon ki halki si larzash

honton ki mahoom si jumbash

galon par reh reh kar utarney wali dhanak

lahoo main chaand rachati is nanhi si kushi ka naam na le le

Umar bhar ka bharosa kya , pal ka saat ho jaye

Aik baar akelay main us se baat ho jaye

Dil ki gang sar'shari us ko jeet le lakin

Arz-e-haal karnay main ehtiyat ho jaye

Aisa kiyon keh janay se sirf aik insan kay

Sari zindgani hi be'sabaat ho jaye

Yaad karta jaye dil aur khilta jaye dil

Oas ki tarah koi paat paat ho jaye

Sab chragh gul kar kay us ka haath thama tha

Kya qasoor us ka , jo ban main raat ho jaye

Aik baar khelay to woh meri tarah aur phir

Jeet lay woh her bazi , mujh ko maat ho jaye

Raat ho paraao ki phir bhi jaagiye warna

Aap sotay reh jayein aur baat ho jaye

Umar bhar ka bharosa kaya , pal saat ho jaye

aik baar akelay main is se baat ho jaye

dil ki gang sar'shari us ko jeet le lakin

arz-e-haal karney main ehtiyaat ho jaye

aisa kyn keh janey se sirf aik insaan ke

sari zindgani hi be'sabaat ho ajye

yaad karta jaye dil , aur khilta jaye dil

Aaos ki tarah koi paat paat ho ajye

sab chragh gul kar ke us ka haath thama tha

kiya qasoor us ka , jo ban main raat ho jaye

aik baar khailay to woh meri tarah aur phir

jeet le woh her bazi , mujh ko maat ho jaye

raat ho paraow ki phir bhi jagye warna

aap sotay reh jayein aur haat ho jaye

Be'faiz rafaqat main samar kis kay liye tha

jab dhoop hi qismat to shajar kis kay liye tha

pardes main sona tha to chhat kis kay liye dali

bahir hi nikalna tha to ghar kis kay liye tha

jis khaak se pooch ahai us khaak ki kushboo

pehchaan na paye to hunar kis kay liye tha

ay maadar-e-geeti , teri hairat bhi baja thi

teray hi na kaam aya to sar kis kay liye tha

youn shaam ki deh'shat se sar-e-dasht-e-irada

rukna tha , to phir sara safar kis kay liye tha

Parveen Shakir