Imran's Poetry

Sep 9, 2016

Bara ehsaan hum farmaa rahay hain

Keh un kay khat unhein lota rahay hain

Nahin tark-e-mohabbat pe woh raazi

Qayamat hai keh hum samjha rahay hain

Yaqeen ka raasta teh karnay walay

Bhout tezi se wapis aa rahay hain

Yeh mat bhoolo keh yeh lamhaat hum ko

Bicharnay kay liye milwaa rahay hain

Ta'ajub hai keh ishq-o-aashqui se

Abhi kuch log dhoka khaa rahay hain

Tumhein chahein gay jab chinn jao gi tum

Abhi hum tum ko arzan paa rahay hain

Kisi surat unhein nafrat ho hum se

Hum apnay Aaib khud ginwaa rahay hain

Woh pagal mast hai apni wafa main

Meri aankhon main aansu aa rahay hain

Daleelon se ussay qayel kiya tha

Daleelein de kay ab pachtaa rahay hain

Teri baanhon se hijrat karnay walay

Naye mahool main ghabraa rahay hain

Yeh juz ba ishq hai ya juz ba'reham

Teray aansu mujhay rulwaa rahay hain

Ajab kuch rabt hai tum se keh tum ko

Hum apna jaan kar thukraa rahay hain

Wafa ki yaad'garein tak na hon gi

Meri jaan bas koi din jaa rahay hain

Dil kitna aabaad hua jab deed kay ghar bar'baad huye

Woh bichra aur dhiyaan main us kay so mousam ijaad huye

Na'moori ki baat digar hai warna yaaro socho to

Gagoon ab tak kitnay taishay be'khoon-e-farhaad huye

Layein kahan se bol raseelay honton ki na'daari main

Samjho aik zamana guzra boson ki imdaad huye

Tum meri ik khud masti ho main hoon tumhari khud beeni

Rishtay main is ishq kay hum tum dono be'buniyaad huye

Mera kya ik moj-e-hawa hoon par youn hai ae ghuncha-e-dehan

Tu ne dil ka baagh jo choora ghunchay be'ustaad huye

Ishq mohalay main ab yaaro kya koi mashooq nahin

Kitnay qaatil mousam guzray shor huye fariyaad huye

Barq kya hai aks-e-badan ne teray hamein ae tang qaba

Teray badan pe jitnay til hain teray hum ko yaad huye

Tu ne kabhi socha ho ga , socha bhi ae mast adaa

Teray adaa ki abaadi par kitnay ghar bar'baad huye

Jo kabhi bhi rudaad-e-sukhan thi honton ki doori se thi

Jab honton se hont milay to yak dam be'rudaad huye

Khaak nasheeno se koochay kay kya kya nakhoot kartay hain

Jaan-e-jaana ! teray darbaan to firon-o-shadaad huye

Shaheron main hi khaak uraa lo shor macha lo be'halo

Jin rishton ki soch rahay ho kab kay bar'baad huye

Simton main bikhri woh khilwat , woh dil ki rang abaadi

Yehni woh jo baam-o-dar thay yak'sar gard'baad huye

Tu ne rindon ka haq maara meh'khanay main raat gaye

Shaikh kharray sayed hain hum to , hum ne suna na'shaad huye

Dil ki takleef kam nahin kartay

Ab koi shikwa hum nahin kartay

Jaan-e-jaan tujh ko ab teri khatar

Yaad hum koi dam nahin kartay

Doosri haar ki hawas hai so hum ko

Sar-e-tasleem-e-kham nahin kartay

Woh bhi parhta nahin hai ab dil se

Hum bhi naalay ko num nahin kartay

Jurm main hum kami karein bhi to kiyon

Tum saza bhi to kam nahin kartay

Yahan to koi mann chala hi nahin

Keh jaisay yeh shaher-e-balaa hi nahin

Teray hasrati kay hain dil par yeh daagh

Koi ab tera mubtalaa hi nahin

Hui us gali main fazeehat bhout

Magar main wahan se tal'la hi nahin

Nikal chal kabhi aap se jaan-e-jaan

Teray dil main to wal'wala hi nahin

Dam-e-aakhir-e-shab jo bichray to bas

Pata phir kisi ka chala hi nahin

Qayamat thi us kay shikam ki shakan

Koi bas mera phir chala hi nahin

Kahan jaa kar duniya ko daalon bhala

Idher ko koi maz'bala hi nahin

Ik ambu-e-khu nain-e-dilaan hai magar

Kisi main koi hosla hi nahin

Rehan sar'shaari fiza kay hain

Aaj kay baad hum hawa kay hain

Hum ko har'giz nahin khuda manzoor

Yehni hum be'tarah khuda kay hain

Hum ko hain "Jon" hasil-e-ijaad

Kya sitam hai keh hum fanaa kay hain

Kainaat-e-sakoot bas khamosh

Hum to shouq-e-sukhan saraa kay hain

Jitnay bhi ehal-e-fun hain duniya kay

Mul'tamis baab-e-iltaja kay hain

Baaz aa jaaiye keh sab fitnay

Aap ki kiyon kay aur kya kay hain

Ab koi guftagoo nahin ho gi

Hum fanaa kay thay hum fanaa kay hain

Jul 24, 2016

Bakh'shish hua yakeen , gumaan be'libaas hai

Hai aag jama-e-zaib , dhuwan be'libaas hai

Hai yeh fiza hazar libason ka ik libaas

Jo be'libaas hai woh kahan be'libaas hai

Malboos taar tar-e-nafs hai ziyan-e-sood

Sood-e-ziyan yeh hai keh ziyan be'libaas hai

Meh'mal nasheen-e-rang ! Koi posteen-e-rang

Raig rawan hoon raig-e-rawan be'libaas hai

Ab para para poshish-e-guftaar bhi nahin

Hain saans be'rafu soziyan be'libaas hai

Sad jama-e-posh jis ka hai jism bar'hana bhi

Khilwat sara'iye jaan main woh jaan be'libaas hai

Hai bood aur nabood main poshish na pai'rahan

Yaaran-e-makeen kya keh makaan be'libaas hai

Tu khud hi daikh rang-e-badan apna josh-e-rang

To apnay libaas main jaan be'libaas hai

Gham ki bar'hangi ko kahan se jurray libaas

Main lab seesay huye hon , faghan be'libaas hai

Koi gumaan bhi nahin darmiyan , gumaan hai yahi

Isi gumaan ko bacha loon keh darmiyan hai yahi

Yeh aadmi kay hain anfaas jis kay zehar farosh

Ussay bithao keh mera mizaaj wahan hai yahi

Kabhi kabhi jo na ayo nazar to seh lain gay

Nazar se door na hona keh imtihaan hai yahi

Main aasman ka ajab kuch lihaaz rakhta hoon

Jo is zameen ko seh lay woh aasman hai yahi

Yeh aik lamha jo dariyaft kar liya main ne

Wisal-e-jaan hai yahi aur firaaq-e-jaan hai yahi

Tum un main se ho jo yahan fateh'mand thehray hain

Suno keh wajah gham-e-dil-e-shakistagaan hai yahi

Kon se shouq kisi hawas ka nahin

Dil meri jaan teray bas ka nahin

Raah tum karwaan ki lo keh mujhay

Shouq kuch naghma-e-jars ka nahin

Haan mera woh mo'amla hai keh ab

Kaam yaaran-e-nukta ras ka nahin

Hum kahan se chalay hain aur kahan

Koi andaza-e-paish ka nahin

Ho gayi is gilay main umar tamaam

Paas sholay ko khaar-o-khash ka nahin

Mujh ko khud se juda na honay do

Baat yeh hai main apnay bas ka nahin

Kya laraai bhala keh hum main se

Koi bhi sainkron bars ka nahin

Dil tamana se dar gaya jaanam

Sara nasha utar gaya jaanam

Ik palak beech rishta-e-jaan se

Her zamana guzar gaya jaanam

Tha ghazab faisalay ka ik lamha

Kon phir apnay ghar gaya jaanam

Janay kaisi hawa chali ik baar

Dil ka daftar bikhar gaya jaanam

Apni khawab-o-khayal duniya ko

Kon bar'baad kar gaya jaanam

Thi sitam hijar ki maseehai

Aakhrish zakham bhar gaya jaanam

Ab bhala kya raha hai kehnay ko

Yehni main be'asar gaya jaanam

Na raha dil na daastan dil ki

Ab to sab kuch basar gaya jaanam

Zaahir tha apnay tor se jeena

Koi ik tha jo mar gaya jaanam

Gumaan ki ik parishan manzari hai

Bas ik deewar hai aur be'dari hai

Agarcha zehar hai duniya ki her baat

Main pee jaon isi main behtari hai

Tu aye baad-e-khizaan us gul se kehna

Keh shaakh umeed ki ab tak harri hai

Gali main us nigar-e-na'shano ki

Faghan karna hamari nokari hai

Koi leh'kay khayaban-e-saba main

Yahan to aag seenay main bharri hai