Imran's Poetry

Apr 16, 2020

Woh Ek Shakhs…Janti ho tum ?

Wohi jo be-towajhi kay sabab

Hamesha bay Usool rehta tha

Woh Ek Shakhs…Janti ho tum

Woh jisay neend bohat peyari thi,

Woh jo aik khuwab kay assar mein tha

Woh jo La-ilam raha manzil say

Wohi jo umar bhar safar mein tha

Woh Ek Shakash…Janti ho tum ?

Jis nay khushbu ki tamna ki thi,

Aur Rondhay Gulab thay

Jis nay apni hi Naikion kay sabab,

Azaab paye thay

Wo Ek Shakhas…Janti ho tum ?

Wo jis ka Deen bas Mohabbat tha,

Wo jis ka Imaan wafaein thien

Wo jis ki soch bhi pareshan thi

Wo jis k Lab pay faqat duaen thien,

Wohi uljhi hui si baton wala

Mohabbaton say Dar geya kal shab,

Hijar k dukh ko sehtay sehtay

Wo Shakhs Mar geya kal shab

Aao ab Laash uthao uski,

Wo jo tere Assar mein rehta tha

Aao ab sogh mnao uska,

Wo jo suraj ko Qamar kehta tha

Mohabbaton say Dar geya kal shab

Wo Shakhs…Mar geya kal shab

Kuch kashish dil-baron main hai hi nahin

Rung woh mehfilon main hai hi nahin

Har taraf teri Ro-numai hai

Aur kuch Aainon mein hai hi nahin

Jo tujhay munfarid banati hai

Baat woh dusron mein hai hi nahin

Mera kitna khyal hai uss ko

Jo meray doston mein hai hi nahin

Sab kay sab silsaly ussi kay hain

Jo meray silsalon mein hai hi nahin

Wo meray raabton mein rehta hai

Jo meray raabton mein hai hi nahin

Haan!

Wohi to hai Masla mera

Jo meray maslon mein hai hi nahin

Jis kinarey humein utrna hai

Wo teray sahilon mein hai hi nahin

Sab kay shaano par sar salamat hain

Koi soda saron mein hai hi nahin

Us ka Ehsaan mand hoon

Jo meray mohsano mein hai hi nahin

Tum Bin Udaas Hoon

Tum Bin Udaas Hoon

Dukh hoon

Dard hoon

Saaz hoon

Ya beetay dino ki awaz hoon

Mein jo kuch bhi hoon

Jo koi bhi hoon

“Tum Bin Udaas Hoon”

Jab Milnay Laga Us ki Mohabbat Mein Sakoon

Phir Yun Hua Wo Mera Sath Chor Gaya

Abi Bhout Baqi Thein Hasraten Dil Mein

Magr Wo Shakhs Adhuri Mulaqat Chor Gaya

Fakhar To yeh hai Keh Wo tha Mera Humsafar Kbhi

Dukh Yeh Hai Keh Beech Rah mein Wo Mera ‘HATH’ Chor gaya

Bin Us k Rehna Ab Ek Azaab sa Lagta hai

Na jany Zindgi mein wo kaisy JAZBAT chor Gaya

Wo bewafa Shakhs To chala Gaya ZindGi se

Magar Ankhon mein meri Ansuon Ki “BARSAT” Chor Gaya

Kabhi jo Ehsaas ho tum ko

Keh Tum acha nahi kartay

Jo mujh ko youn rulatay ho

Lahoo mera jalatay ho

Ager is Aagh mein jal kar

Main ik din raakh ho jaon

Mujhay dil se bhulaa dena

Samunder mein baha dena

mager yeh yaad rakhna tum

Khuda se yeh dua karna

Keh jo Acha lagey tum ko

Woh tum jaisa na ho hargiz

Wagarna tum bhi rogey

Mujhay jaisey rulatay ho

Uzr aany mein bhi hai aur bhulatey bhi nahi

Baa’is_e_tark_e_mulaqaat btatey bhi nahin

Khoob parda hai keh Chilman say lagay baithay hain

Saaf chupty bhi nahi , Samnay aaty bhi nahin

Dekhtay hi mujhay Mehfil mein Yeh irshaad hua

Kon baitha hai? issay log uthaatey bhi nahin

Ho chuka Qata-e-Talluq to Jafayen kiyon hon

Jin ko mtalab nahin rehta woh Satatey bhi nahin

Zeest say Tang ho aay Daagh to jeetey kiyon ho

jaan payari bhi nahi , jaan say jaatey bhi nahin

Sukoot-e-jaan ka matlab bata do phir chalay jana

Ya phir sargoshian dil ki suna do phir chalay jana

Jo mera aur tumhara waqt guzra hansne rone mein

Ussay poori tarah se tum bhula do phir chalay jana

Ya sare pairh podhe tere bin ek rut jage hue

Tum aa ke aik baar in ko sula do phir chalay jana

kisi ko chahne ka aur kisi se chahe jane ka

Jo hai ehsaas tum us ko mita do phir chalay jana

Bus itni si hansi se apne ashkon ko chupane ka

Jo fun aata hai tum ko, wo sikha do phir chalay jana

Wo jo ek lafz-e-ulfat hai, juda hai apne maanay se

Bus in alfaz-o-maanay ko mita do phir chalay jana

Jo tum kehtay kehtay ruk gaye, un sari batoon ki

sa'ma`at ko talab hai wo suna do phir chalay jana

Na jane kyun hai, lekin dekhne ki tum ko aadat hai

Meri ye be-wajah aadat churha do phir chalay jana

Mere in roz-o-shab ka ek fakat unwaan bas tum ho

Mujhe tum doosra unwaan laa do phir chalay jana

Khula hai Jhoot ka bazar, Aao such bolein

Na ho bala say Kharidar, Aao such bolein

Sukoot chahya hai insaniyat ki Qadron par

Yehi hai moqa-e-izhaar, Aao such bolein

Humein gawah banaiya hai waqat nay apna

Be-naam-e-azmat-e-kirdar, Aao such bolein

Suna hai waqat ka Haakim bara hi Musanif hai

Pukar kar sar-e-darbar, Aao such bolein

Tamam shehar mein aik bhi nahi “Mansoor”

Kahein gay kea rasan o daar, Aao such bolein

Jo “wasaf” hum mein nahi kyon krein kisi mein talaash

Agar Zameer hai bay-daar, Aao such bolein

Chupaaye say kaheen chuptay hain Daag chehray kay

Nazar hai Aaina bardaar, Aao such bolein

Qateel jin pe sada Pathron ko Peyar aya

Kidhar gaye woh Gunah-gaar, Aao such bolein

Saaqi Kahan Se Laoun, Jaam Kahan Se Laoun

Saaqi Kahaan Se Laoun, Jaam Kahan Se Laoun

May’Khana Hai Band, Sharab Kahan Se Laoun

Ek Baar Faqat Bhool Baitha Tha Tujhe

Ussay Bhoolnay Ki Saza Kahaan Se Laoun

Ab To Milta Nahi Maseeha Koi Is Shehar Main

Is Dard Ki Dua Kahaan Se Laoun

Ab Tak Sunaee Deti Hain Teray Kadmon Ki Aahat Per Dil Per

Is Dewaangi Ki Inteha Kahaan Se Laoun

Ab To Bhali Nahi Lagti Kaanon Ko Koi Awaaz

Teri Choorion Ki Jhankaar Kahaan Se Laoun

Wo Teri Palkon Ka Madham Madham Uthna Girna

Wo Pakeezgi Wo Haya Kahaan Se Laoun

Wo Teri Kaali Bal Khati Nagan Si Zulfain

Is Zehar Ka Taryaaq Kahaan Se Laoun

Lafaz He Chin Gay Goya Tumhare Janay Kay Baad Faraz

Uthay Hain Haath Par, Dua Kahan Se Laoun

Wo hamesha mujh se mujh ko jeet jaati hai

Jung jub bhi ho wafa ki wo hans ke jeet jaati hai

Main chalata rehta hoon teer chahat kay

Wo kar kay waar Aankhon say jeet jaati hai

Roz banata hun nayi fouj lafzon ki

Wo har lafaz ki talwaar tor , jeet jaati hai

Ajeeb alaam hota hai lafzon ki jung ka

karwa kay mujhay khamosh wo lafaz jeet jati hai

Jeet ki jung wo muj say puchti hai

Har bar tmhari jaan kaisay jeet jaati hai

Jung ekhtatam hui

Mal-e-ghanimat Main howi ,wafa bandi

Wo khud ko haar ke sub kuch jeet jati hai