Ek be'wafa se aik mulaqaat bhout hai

Ek be'wafa se aik mulaqaat bhout hai
Jitna diya hum ne tera saath bhout hai

Duniya ko dil kay daagh dikhaon to kis tarah
Ae zindagi yeh raaz chupaon to kis tarah

Apni tabahiyon main mera haath bhout hai
Jitna diya hum ne tera saath bhout hai

Toota jo dil ka aaina tootay sabhi bharam
Hoti hai umar pyaar ki jeenay kay liye kam

Marnay kay liye dard ki raat bhout hai
Jitna diya hum ne tera saath bhout hai

Teri la'jawab chahat ko hum bhulayein kaisay

Teri la'jawab chahat ko hum bhulayein kaisay

Tum ko bhool kar khud ko chain dilaein kaisay

NA janay kon si kashish teray paas lay aati hai

Teray paas aa kar tujh main samyein kaisay

Hum ne dil se chaha hai tujhay magar

Teri chahat kay qabil khud ko banayein kaisay

Kiyon poochtay ho hum se aanso'on ki shiddat

Hum in main tera aks tujhay dikhaein kaisay

Hum tum se bhout mohabbat kartay hain

Magar tumhain yeh ehsaas dilaein kaisay

Tum be'wafa ho keh bhi kitnay achay lagtay ho

Tum be'wafa ho keh bhi kitnay achay lagtay ho 

Khuda janay tum main wafa hoti to kiya hota

Na kamzor para mera tum se taaluq

Na kamzor para mera tum se taaluq 

Aur na kahin aur huye silsalay mazboot 

Yeh waqat ki saazish hai 

Kabhi tum masroof to kabhi hum masroof

Maloom nahin tha keh mohabbat kya cheez hai sirf itna pata hai

Maloom nahin tha keh mohabbat kya cheez hai sirf itna pata hai 

Hazaron kay dil tornay partay hain sirf ik yaar ki khaatir

Main ne us se kabhi ishq ka dawa na kiya

Main ne us se kabhi ishq ka dawa na kiya 

Un ne bhi shart laga di thi wafa'daari ki

Ijaazat ho to teray chehray ko jee bhar kay dekh loon

Ijaazat ho to teray chehray ko jee bhar kay dekh loon 

Muddat hui in aankhon ne Zakoota jin nahin dekha

Zindagi wohi thi jo teri mehfil main guzaar di

Zindagi wohi thi jo teri mehfil main guzaar di 

Ab to faqat jeenay ki rasam adaa kar rahay hain

Mujhay teri mohabbat ne bhout buz'dil bana daala

Mujhay teri mohabbat ne bhout buz'dil bana daala

Haqeeqat Aashna meray 

Tujhay shayed khabar ho gi 

Mujhay teri mohabbat ne 

Bhout buz'dil bana daala 

MAin her us shay se darta hoon 

Tujhay jo cheen sakti hai 

Main un lamhon se darta hoon 

Jidai jin main rehti hai 

MAin un ashkon se darta hoon 

Jo ban kar yaad behtay hon

Main un lafzon se darta hoon 

Jo khamoshi main rehtay hain 

Bicharnay ki meray hamdam 

Main her surat se darta hoon 

Tujhay shayed khabar ho gi 

Mujhay teri mohabbat ne 

Bhout buz'dil bana daala

 

Koi dikha kay roye , koi chupa kay roye

Koi dikha kay roye , koi chupa kay roye

Hamain rulaanay walay hamain rula kay roye 

Marnay ka maza to tab hai yaaro

Jab qaatil bhi janazay par aa kar roye

Khwaish-e-ishq bhi bhar'poor saza deti hai

Khwaish-e-ishq bhi bhar'poor saza deti hai 

Aag ban kar jo jawani ko jala deti hai 

Itna bhi toot kar na chaho kisi ko Faraz 

Itni chahat bhi mohabbat ko gira deti hai

Tumhein jo be'sabab mujh se khafa honay ki aadat hai

Tumhein jo be'sabab mujh se khafa honay ki aadat hai 

Yeh aaghaz-e-judi hai ye andaaz-e-mohabbat hai 

Wafa kay rang main dekho jafa achi nahin hoti 

Kisi se dosti main itni anaa achi nahin hoti 

Faqat kehnay ki baatein hain nibhaata kon hai is ko

Chalo ab dekh letay hain manata kon hai kis ko

Aanso'on ki tarah nazron se giraya us ne

Aanso'on ki tarah nazron se giraya us ne 

Apni khabar na mili kuch aisa khaak main milaya us ne 

Ilzaam mujh pe lagaya magar be'wafa khud tha 

Pehlay dewana banaya phir mujhya thukraya us ne 

Us ko maza aata hai mujh ko satanay main 

Mujhay geeli lakri ki tarah jalaya us ne 

Aaya na tha us ko wada wafa karna 

Logon ko jhoota apni wafa ka qissa sunaya us ne 

Tanhaiyon se khoob waqif tha woh 

Phir bhi duniya main mujhya tanha banaya us ne

Main nahin hoon apnay wajood main

Main nahin hoon apnay wajood main 

Mujhay janay kis ne chura liya 

Meray saath rehti hai woh her qadam 

Koi jadoo us ne chala diya 

Meri rooh main woh samaa gaya 

Mujhay ishq karna sikha gaya 

Meri zindagi woh ban gaya 

Mujhay jeena us ne sikha diya 

Main to khud se bhi tha na'aashna 

Mujhay mujh se us ne mila diya

Suno tum aksar sochtay ho gay

Suno tum aksar sochtay ho gay 

Hum tumhain yaad nahin kartay 

Tumhain hum bhool jaatay hain 

Magar yeh bhool tumhari hai 

Asal main baat kuch youn hai 

Keh jab tum yaad aatay ho 

To kuch bhi yaad nahin rehta 

Aur tumhari yaad main kho kar 

Hum batana bhool jaatay hain 

Keh tum kitna yaad aatay ho

Maana keh tum haseen ho magar is qadar nahin

Maana keh tum haseen ho magar is qadar nahin 

Jitna keh meri deed ne tum ko bana diya

Hum se poochni hai to sitaaron ki baat poocho

Hum se poochni hai to sitaaron ki baat poocho 

Khwaabon ki baat to woh kartay hain jinhain neend aatay ho

Yeh to dil tha dewana keh tum par aa gaya

Yeh to dil tha dewana keh tum par aa gaya 

Warna hum sona bhi poora uthaya nahin kartay 

Yeh maana keh tum haseen ho , magar yeh bhi sun lo 

Hum haseeno se dil lagaya nahin kartay 

Jis se kartay hain pyaar aik hi baar kartay hain 

Baar baar hum bhi kisi ko sunaya nahin kartay 

Tum to apnay ho tum se kiya parda 

Warna hum raaz-e-dil kisi ko sunaya nahin kartay 

Tum keh do to tumharay liye jaan bhi haazir hai 

Warna hum zindagi kisi par lutaya nahin kartay 

Aqeedat aur hoti hai , murawat aur hoti hai

Aqeedat aur hoti hai , murawat aur hoti hai 

Mohabbat jis ko kehtay hain woh naimat aur hoti hai 

Qayamat khaiz manzar jo hazaron hum ne dekhye hain 

Jo dil pe toot'ti hai woh qayamat aur hoti hai 

Maheeno baad milnay ki khushi apni jaga lakin 

Woh zaalim jab bicharta hai to haalat aur hoti hai

Safar dushwaar kitna hai

Safar dushwaar kitna hai 

Magar dekhna hai keh koi wafa daar kitna hai 

Yeh soch ay ussay kabhi maanga nahin main 

Ussay parkhna hai keh woh mera talab'gaar kitna hai

Bata raah-e-mohabbat main chalon main kis tarah tanha

Bata raah-e-mohabbat main chalon main kis tarah tanha 

Bina teray , meray hamdam chala mujh se nahin jaata 

Meri khushiyon kay sab khaakay tumharay bin adhooray hain 

Meray sapnay meri raatein meray sab din adhooray hain 

Mera sapna haqeeqat main jo youn tabdeel ho jaye 

Agar tum aa milo jana meri takmeel ho jaye

Woh samar tha meri dua ka

Woh samar tha meri dua ka 

Ussay kis ne apna bana liya 

Meri neend kis ne ujaar di 

Meray khwaab kis ne chura liye 

Tujhay kya bataon Ae dil'nasheen 

Teray ishq main teri yaad main 

KAbhi gutagoo rahi phool se 

Kabhi chaand chatt pe bula liya 

Meri chaand honay ki hasrat 

Meri khushboo honay ki khwaish 

Tu juda hua to youn laga 

MAin ne zindagi ko ganwa diya

Main jo chahon to abhi tor loon naata tum se

Main jo chahon to abhi tor loon naata tum se 

Par main buzdil hoon mujhay mout se dar lagta hai

Meray hamsafar , meray hum'nasheen

Teray Siwa

Meray hamsafar , meray hum'nasheen 

Main ne rab se maanga to kuch nahin 

Main ne jab bhi maangi koi dua

Nahin maanga kuch bhi teray siwa

YEh talab kiya , keh meray khuda 

Sabhi raahatein sabhi chahatein 

Woh aata karay tujhay manzalein 

YEh talab kiya , keh meray khuda 

Tujhay bakht dy , tujhay takht dy , tujhay taaj dy 

Meray hamsafar , meray chara gar 

Yeh zindagi ka khatan safar 

Meray saath chalna zara soch kar 

Zara dekh to mera hosla 

Meray paas jo bhi hai woh hai tera

 

Main agar tumhain jo sanwaar doon

Main agar tumhain jo sanwaar doon

Tumharay roz-o-shab ko nikhaar doon 

Mera haath thaam keh ehad do 

Mujhay apnay dil main rakho gay tum 

Tumhain is qadar jo main pyaar doon 

Keh zindagi hi haar doon

To batao na 

Meray baad bhi 

Yeh hi ehad apna nibhao gay 

Ya keh mujh ko bhool hi jaao gay 

Umar bhar chaha keh zameen-o-asmaan hamara hota

Umar bhar chaha keh zameen-o-asmaan hamara hota 

Kaash keh khwaishon ka ka bhi koi kinaara hota 

Yeh soch kay us ko main ne roka hi nahin 

Door jaata hi kiyon agar woh hamara hota

Yeh duniya hai yahan par yeh tamasha ho bhi sakta hai

Yeh duniya hai yahan par 

Yeh tamasha ho bhi sakta hai 

Abhi jo gham hamara hai 

Tumhara ho bhi saktahai

Tum apnay aap ko hargiz

Ilzaam mat dena 

YE sauda hai mohabbat ka 

Khasara ho bhi sakta hai 

NA yeh samjho keh tum hi

Aakhri meri mohabbat ho 

Mohabbat jurm hai 

Hum se dobara ho bhi sakta hai 

Kisi kay haq main sahi woh koi dua to karay

Kisi kay haq main sahi woh koi dua to karay 

Woh keh nahin sakta meri suna to karay

KAbhi bataye woh woh aa kar meri meri khata mujh ko 

Woh mujh se kis liye rootha hai kuch gila to karay

MAin loat jaaon ga wapis apni duniya main 

Woh shakhs mujh se bicharnay ka faisala to karay

Pathar hai teray haath main ya koi phool hai

Pathar hai teray haath main ya koi phool hai 

Jab tu qabool hai , tera sab kuch qabool hai 

Phir tu ne dy diya hai naya faasla mujhay 

Sar pe abhi to pichli musaafat ki dhool hai 

Tu dil pe boujh lay kar mulaqaat ko na aa

Milna hai is tarah to bicharna qabool hai 

Tu yaar hai to itni kari guftagoo na kar 

Tera asool hai to mera bhi asool hai 

Lafzon ki aabroo ko ganwa na youn adeem

Jo maanta nahin , ussay kehna fazool hai

Loat ayi hain dekho baarishein phir se yahan wahan

Loat ayi hain dekho baarishein phir se yahan wahan 

Ek tumhi ko loat aanay ki fursat nahin mili

Jin jharokhon se tamana thi keh barsain gay gulaab

Jin jharokhon se tamana thi keh barsain gay gulaab 

Un se barsay to chamaktay huye khanjar barsay

Mohsin kay khiyalon main utarti hain sar-e-shaam

Mohsin kay khiyalon main utarti hain sar-e-shaam 

Rim jhim ki tarah baandh kay ghungroo teri yaadain

Haseen pal ki zaroorat hai mujhay

Haseen pal ki zaroorat hai mujhay

Beetay huye kal ki zaroorat hai mujhay

Sara zamana rooth gaya mujh se 

Jo kabhi na roothay aisay dost ki zaroorat hai mujhay

Be'wafaon ki yeh duniya hai zara sambhal kar chalna

Be'wafaon ki yeh duniya hai zara sambhal kar chalna 

Yahan log bar'baad karnay kay liye bhi mohabbat ka sahara letay hain

Yahan log bar'baad karnay kay liye bhi mohabbat ka sahara letay hain

Be'wafaon ki yeh duniya hai zara sambhal kar chalna 

Yahan log bar'baad karnay kay liye bhi mohabbat ka sahara letay hain

To kya yeh teh hai keh ab umar bhar nahin milna

To kya yeh teh hai keh ab umar bhar nahin milna 

To phir yeh umar bhi kiyon tum se gar nahin milna

Yeh judai bhi mohabbat ka imtihaan hoti hai

Yeh judai bhi mohabbat ka imtihaan hoti hai

Koi hansta hai apni adaaon pe koi rota hai apni wafaon pe

Na samjh sakay un ka koi bahana

Na samjh sakay un ka koi bahana 

KAbhi palkon pe bithaana kabhi nazron se giraana 

Saqi teray meh'khanay ka dastoor hai kaisa 

Pehlay jee bhar kay pilaana phir qatray qatray ko tarsaana

Suna hai koi aur bhi chahnay laga hai tumhain

Suna hai koi aur bhi chahnay laga hai tumhain 

Hum se barh kar agar chahe to us ki hi ho jana

Mujhay kis taraf jana hai kuch khabar nahin

Mujhay kis taraf jana hai kuch khabar nahin 

Meray raastay bhi kho gaye meri mohabbat ki tarah

Mout to naam se bad'naam hai

Mout to naam se bad'naam hai 

Warna takleef to zindagi bhi bhout deti hai

Kisi kay saath guzray pal baray rangeen hotay hain

Kisi kay saath guzray pal baray rangeen hotay hain 

Mohabbat kay yeh roz-o-shab baray haseen hotay hain 

Ishq karna hai to pehlay bikharnay ka hunar seekho 

Ishq main aksar haadsay baray sangeen hotay hain 

Kabhi fursat main aa kar dekh lay is veeran se ghar main 

Kisi ki yaad main hum bhi baray gham'geen hotay hain

Hum jeet na sake woh aisi shart laganay lagay

Hum jeet na sake woh aisi shart laganay lagay 

Hamari aankhon ko apni aankhon se laranay lagay 

Jeet jatay par palk hum ne jhuka li 

Kiyon keh un ki palkon se aansoo jo aanay lagay

Dosti ki mehak ishq se kam nahin hoti

Dosti ki mehak ishq se kam nahin hoti 

Ishq pe hi zindagi khatam nahin hoti 

Agar saath ho zindagi main achay dost ka 

Zindagi kisi khazanay se kam nahin hoti

Be'los wafaon ko bhulaya nahin kartay

Be'los wafaon ko bhulaya nahin kartay 

Her dil ko meray dost sataya nahin kartay 

Hum tabiyat kay bhout ziddi hain 

Jissay apna bana lein phir bhulaya nahin kartay

Dil se roye magar honton se muskura baithay

Dil se roye magar honton se muskura baithay 

Youn hi hum kisi se wafa nibha baithay 

Woh hamain ik lamha na dy paye

Jin kay liye hum apni zindagi ganwa baithay

Mujhay yaqeen hai keh woh shakhs mera kabhi nahin ho ga

Mujhay yaqeen hai keh woh shakhs mera kabhi nahin ho ga 

Par na'janay mujhay apnay yaqeen par yaqeen kiyon nahin hota

Woh kam sukhan woh kuj'adaa woh be'wafa acha laga

Woh kam sukhan woh kuj'adaa woh be'wafa acha laga 

JAb bhi mila rootha hau jab bhi mila acha laga 

Woh zulm pe mayal bhout woh jabar ka qayel bhout 

Us ka sitam her ik sitam mujh ko sadaa acha laga 

Tum pyaar kay qabil nahin tum pyaar kay laa'iq nahin 

Us ne kaha hum se kaha hum ne suna acha laga

Apnay susar ka dulaara hoon main

Apnay susar ka dulaara hoon main 

Apni biwi ko bhi pyara hoon main 

Filhaal to yeh sab sapnay hain 

Kiyon keh abhi tak kunwaara hoon main

Zindagi main aik larki itni pyari lagi

Zindagi main aik larki itni pyari lagi 

Us kay haath ki daal bhi hamain nihaari lagi 

Janay kiya jado tha us ki personality main keh 

Married honay kay ba'wajood hamain kanwari lagi

Youn gawara nahin jeena bin teray mujhay

Youn gawara nahin jeena bin teray mujhay 

Kiyon hai juda koi to wajah bata dy 

Kuch aur nahin to kar itna karam

JAhan tu yaad na aaye koi aisi jaga bata dy

Us ne kaha chaand khoobsurat hai ya main

Us ne kaha chaand khoobsurat hai ya main 

Main ne kaha 

YEh to main nahin janta 

MAgar 

Jab tumhain dekhta hoon 

To chaand bhool jaata hoon 

Aur 

Jab chaand par parti hai nazar 

To tum yaad aatay ho

Is dard kay baad koi dard , dard nahin lagta

Is dard kay baad koi dard , dard nahin lagta 

Keh shiddat-e-dard ki intiha hoti hai mohabbat 

NAhin uth'tein woh aankhain phir kisi pe 

Keh jin aankhon main fanaa hoti hai mohabbat 

Umar  bhar jin ka azala na kar payen 

Bas aik aisi hi khata hoti hai mohabbat 

Jo mil jaye to phir bas kya kehna 

Warna ik musal'sal saza hoti hai mohabbat 

Log mujh se her baar yahi poochtay hain 

Tum ne us main dekha kiya 

MAin her baar yahi kehta hoon 

Be'wajah hoti hai mohabbat

Meri zindagi tera saath ho

Meri zindagi tera saath ho 

Meri zindagi teri baat ho 

Jo jhukay nazar tera khwaab ho 

Jo uthaye nazar teri zaat ho 

Meray haath main ik phool ho 

Aur woh phool tera haath ho

Tumhain her waqt woh guzra zamana yaad aaye ga

Tumhain her waqt woh guzra zamana yaad aaye ga 

Na hon gay hum to yeh hansana hansaana yaad aaye ga 

Bahanay jab karay ga koi tum se phir na milnay kay 

Tumhain phir ik ik apna bahana yaad aaye ga 

Kabhi jab tor dalay ga koi waday mohabbat kay 

Tumhain meri mohabbat ka zamana yaad aaye ga 

Galay mil kar hamain rukhsat kiya tha aap ne jis dam 

Tumhain woh hamara aansoo bahana yaad aaye ga 

Manaye ga na jab koi tumhain youn rooth janay par 

To apna roothna mera manana yaad aaye ga

Tujh se juda ho kar

Tujh se juda ho kar 

Main youn bikhar jaon 

Jis tarah , tar se toot kay 

Moti bikhar jatay hain

Rog aisay bhi gham-e-yaar se lag jatay hain

Rog aisay bhi gham-e-yaar se lag jatay hain 

Dar se uth'tay hain to dewaar se lag jaatay hain 

Be'basi bhi kabhi qurbat ka sabab banti hai 

Ro na payen to galay yaar kay lag jatay hain 

Daagh daman kay hon , dil kay hon ya chehray kay 

Kuch nishaan umar ki raftaar se lag jatay hain

Hum hi tehray saza war aur khata kuch bhi nahin

Hum hi tehray saza war aur khata kuch bhi nahin 

Tu kya samjhta hai teray baad hua kuch bhi nahin 

Yaad jab aayi teri raha kuch bhi nahin 

Dil ne bas aah bhari aur kaha kuch bhi nahin 

Waqat ki tarah yeh saansain bhi rawan hain ab tak 

Ik bas ashk thamay aur ruka kuch bhi nahin 

Haath se haath chura kar gaya jab se tu 

Main us waqat se in hathon se chua kuch bhi nahin 

Kaash tu mujh se keh dy achanak aa kar 

Keh teray baad meray jeevan main bacha kuch bhi nahin

Nahin hain hum haseen itnay keh her kisi kay dil main bas jayein

Nahin hain hum haseen itnay keh her kisi kay dil main bas jayein

Par jis kay saath chal parein zindagi usi kay naam kar detay hain

Apno ne bhi na socha keh ujron ga to kahan jaaon ga Mohsin

Apno ne bhi na socha keh ujron ga to kahan jaaon ga Mohsin

Aashayana jin ka na ho woh prinday aksar mar hi jatay hain

Suno hum toot jayein gay

Suno 

Hum toot jayein gay 

Keh doori seh na payein gay 

Judai maar dalay gi 

Suno 

Yeh aankhain boujhal hain

Inhain kis tarah behlayein gay 

Suno 

Hum so na payein gay 

KAbhi kush ho na payen gay 

Judai maar daalay gi 

Suno

Yeh dil tumhara hai 

Na tum bin ab guzara hai 

Suno

Kuch waqat do hum ko 

Bana lain dost is gham ko 

Hamain maloom hai aakhir 

Judaai maar daalay gi

Teri yaad ko seenay se laga kar roye

Teri yaad ko seenay se laga kar roye

Hum tasawur main tujhay paas bitha kar roye

Tujh ko so baar pukaara shab-e-tanhai main 

Aur her baar tujhay paas na pa kar roye

Kabhi zindagi se gila kar kay roye

Kabhi mout ki hum dua kar kay roye

Ajab silsala hai nizaam-e-mohabbat ka 

Qaza kar kay bhi roye ada kar kay bhi roye

Is dil-e-hasti ko us se pyaar bhout hai

Is dil-e-hasti ko us se pyaar bhout hai

Magar woh shakhs bhi funkaar bhout hai

Na milay to milnay ki justagoo bhi nahin karta 

Aur milta youn hai jaisay hamara talabgaar bhout hai

Woh zehar deta to duniya ki nazron main aa jata Faraz

Woh zehar deta to duniya ki nazron main aa jata Faraz

Us ne youn kiya keh waqat par dawa na di

Kon saath deta hai umar bhar kisi ka Faraz

Kon saath deta hai umar bhar kisi ka Faraz

Log to janazon main bhi kandha badal letay hain

Mujhay woh itna pyaar karta tha

Apna hissa shumaar karta tha 

Mujhay woh itna pyaar karta tha 

Woh banata tha meri tasveeren

Un se baatein hazaar karta tha 

Mera dukh bhi khulos-e-niyat se

Apnay dukh main shumaar karta tha 

Sach samjhta tha jhoot bhi mera

Youn mera aaitabaar karta tha 

Pehlay rakhta tha phool meray raastay main 

Phir mera intizaar karta tha 

Aaj pehlu main woh nahin dost

Jaan jo mujh pe nisaar karta tha

Teray sabhi ghamon ko samit loon main tujhay itna pyaar doon

Teray sabhi ghamon ko samit loon main tujhay itna pyaar doon 

Teri udasiyon ko mita kay teri her shaam nikhaar doon

Teri aankhon main chupi khizaan meray dil main utaar loon 

Teray wajood ko jo mehka day tujhay woh bahaar doon 

Teri ik muskurahat ka badal kuch ho nahin sakta magar 

Jo milay tujhay khushi to main apni jaan bhi waar doon 

Aa gaya hai hijar ka jo dour teray meray darmiyaan

Jo milay mujhay fursat to mohabbat ka qarz utaar doon 

Teray dil ki ronaqein jo murjha gayi hain is tarah 

Laga kay apnay seenay se teri dharkan ko qaraar doon 

Tanhaiyon kay toofan se jo bikhar gayi hain sabhi

Jo kahay to aa kar teri her zulf sanwaar doon 

Na dhan se , na doulat se , na duniya se koi mera waasta

Milay jo tu agar to bas teray sang zindagi guzaar doon 

Tanhai meray kaan main kuch kehnay lagi hai

Tanhai meray kaan main kuch kehnay lagi hai 

Ek zaat meri zaat main gum rehnay lagi hai 

Jis aankh ko kisi ne bhi rotay nahin dekha 

Woh aankh kisi ki yaad main ronay lagi hai

Apnay ghamon ki youn numaish na kar

Apnay ghamon ki youn numaish na kar 

Apnay naseeb ki youn azmaish na kar 

Jo tera hai teray dar pe khud aaye ga 

Roz ussay paanay ki khwaish na kar

Mujhay matti kay ghar bananay ka shouq tha

Mujhay matti kay ghar bananay ka shouq tha 

Ussay aashiyaan giranay ka shouq tha 

Main khud se rooth jaata hoon aksar is liye 

Mujhay roothay huye log mananay ka shouq tha 

Ussay wadon ki paas daari pasand na thi 

LAkin mujhay waday nibhanay ka shouq tha 

MAin masroof tha tanhaiyon ki talaash main 

Ussay logon se milnay milaanay ka shouq tha 

Woh be'wafa tha is main hairat ki baat kya hai

Mujhay bhi be'wafa logon se dillaganay ka shouq tha

Kabhi lafz bhool jaaon , kabhi baat bhool jaaon

Kabhi lafz bhool jaaon , kabhi baat bhool jaaon

Tujhay is qadar chahon apni zaat bhool jaaon 

Uth kar kabhi jo teray paas se main chal doon 

Jaatay huye khud ko teray paas bhool jaaon

Hijar ki pyaas main ik qatra bhi bhout hota hai

Hijar ki pyaas main ik qatra bhi bhout hota hai 

Deed kay wastay ik lamha bhi bhout hota hai 

Jin kay milnay ki nahin door tak kuch umeed

Un kay khonay ka khadsha bhi bhout hota hai 

Tum agar paas nahin ho to koi baat nahin 

Sirf ehsaas ka manzar hi bhout hota hai 

Jin kay kho janay se kho jaata hai hosh-o-hawaas

Un kay mil janay ka nasha bhi bhout hota hai 

Woh meri her baat se ikhtilaaf karat hai

Woh meri her baat se ikhtilaaf karat hai 

Chup chup kar magar mera tawaaf karta hai 

Kahin koi aur shakhs meray qareeb na ho jaye

Is liye woh sab ko meray khilaaf karta hai

Bhout hi maan hai tum par suno paas-e-wafa rakhna

Bhout hi maan hai tum par 

Suno paas-e-wafa rakhna 

Sabhi se tum milo lakin 

Zara sa faasla rakhna 

Bicharna bhi to parta hai 

Zara sa hosla rakhna 

Woh saaray wasal kay lamhay 

Tum aankhon main saja rakhna 

Abhi imkaan baaqi hai 

Abhi lab par dua rakhna 

Bhout nayaab hoon dekho 

HAmain sab se juda rakhna

Kisi kay bicharnay se koi mar nahin jaata

Kisi kay bicharnay se koi mar nahin jaata 

Haan magar jeenay kay andaaz badal jaatay hain

Raaz-e-dil na sunaana kisi ko Faraz

Raaz-e-dil na sunaana kisi ko Faraz

Duniya main sab hamraaz badal jaatay hain

Sabhi ko sab kuch nahin milta

Sabhi ko sab kuch nahin milta 

Nadi ki her lehar ko sahil nahin milta 

Yeh dil walon ki duniya hai dost

Kisi se dil nahin milta to koi dil se nahin milta

Meri khushi ki khaatar khud ko sambhaal rakhna

Meri khushi ki khaatar khud ko sambhaal rakhna 

Us ne kaha tha mujh se apna khayal rakhna

Is baat ka taqaza mujh se jo kar raha tha 

Kiya us ka haq nahin mera khayal rakhna

Kabhi aansoo kabhi khushboo , kabhi naghma ban kar

Kabhi aansoo kabhi khushboo , kabhi naghma ban kar 

Hum se her shaam mili hai tera chehra ban kar 

Chaand nikla hai teri aankh kay aansoo ki tarah 

Phool mehkay hain teri zulf ka saya ban kar 

Meri jaagi hui raaton ko usi ki hai talaash

So raha hai meri aankhon main jo sapna ban kar 

Dil kay kaaghaz par utarta hai jo shairon ki tarah 

Meray honton pe machalta hai jo naghma ban kar 

Raat bhi aaye to bujhti nahin chehray ki chamak

Rooh main phail gaya hai woh ujala ban kar

Mera kiya haal hai yeh aa kay kabhi dekh to lay

Jee raha hoon tera bhoola hua wada ban kar 

Dhoop main kho gaya woh haath chura kar

Ghar se jo saath chala tha mera saya ban kar

Mujhay kis taraf jaana hai kuch khabar nahin

Mujhay kis taraf jaana hai kuch khabar nahin 

Meray raastay bhi kho gaye meri mohabbat ki tarah

Na kuch raha paas apnay to sambhaal kay rakhi ik tanhai

Na kuch raha paas apnay to sambhaal kay rakhi ik tanhai 

Yeh woh saltanat hai jis kay baadshah bhi hum , wazir bhi hum

Jis din band kar li main ne yeh aankhain

Jis din band kar li main ne yeh aankhain 

Us din sab aankhon se aansoo barsain gay 

Jo kehtay hain keh bhout tang kartay ho tum 

Wohi meri ek ek shararat ko tarsain gay 

Barson chalay Qateel zamanay kay saath hum

Barson chalay Qateel zamanay kay saath hum 

Waqif hua na phir bhi zamanay ki chaal se

Akelay jeenay ki aadat to pehlay se thi

Akelay jeenay ki aadat to pehlay se thi 

Na janay kiyon aaj tanhai mehsoos ho rahi hai teray baat na karnay se

Woh mout bhi sohani ho gi

Woh mout bhi sohani ho gi 

Jo yaaron ki yaari main aani ho gi 

Yeh dua hai khuda se keh pehlay hum jayein 

Kiyon keh welcome ki rasam bhi to nibhaani ho gi

Nafrat karni ho to hum se is qadar karna

Nafrat karni ho to hum se is qadar karna 

Keh jab hum duniya se chalay jayein aur tumhari aankh main aik aanso tak na aaye

Us ko sajnay ya sanwarnay ki zaroorat hi nahin

Us ko sajnay ya sanwarnay ki zaroorat hi nahin 

Us pe jachti hai haya bhi kisi zaiwar ki tarah

Choom kar kafan main liptay meray chehray ko us ne tarap kar kaha

Choom kar kafan main liptay meray chehray ko us ne tarap kar kaha 

Naye kapray kiya pehan liye hamain dekhtay bhi nahin

Mukaan banaye rakho to duniya hai saath warna

Mukaan banaye rakho to duniya hai saath warna 

Aanso'on ko to aankhon main bhi panaah nahin milti

KAbhi taqdeer ka maatam kabhi mehboob se shikwa

KAbhi taqdeer ka maatam kabhi mehboob se shikwa 

Ae manzil-e-mohabbat tu ne ronay kay siwa diya kiya hai

KAb tak teray faraib ko ek haadsa kahoon

KAb tak teray faraib ko ek haadsa kahoon 

Tu ne to meri wafa ka tamasha bana diya

Aaj bata raha hoon nusqa-e-mohabbat zara ghour se sun

Aaj bata raha hoon nusqa-e-mohabbat zara ghour se sun 

Na chahat ko had se barhaao na ishq ko sar pe charhao

Zindgi itni dukhi nahin keh marnay ko jee chahye

Zindgi itni dukhi nahin keh marnay ko jee chahye 

Bas duniya walon ne itnay dukh diye keh jeenay ka dil nahin karta

Umar is tarah meri ishq main guzri Wasi

Umar is tarah meri ishq main guzri Wasi 

Jaisay pardes main tehwaar guzar jaata hai

Kisi kay saath pyaar se mazak zaroor karna magar

Kisi kay saath pyaar se mazak zaroor karna magar 

KAbhi kisi kay saath mazak ka pyaar nahin karna

Qasoor nahin is main kuch bhi un ka Faraz

Qasoor nahin is main kuch bhi un ka Faraz 

Hamari chahat hi itni thi keh unhain ghroor ho gaya

Main shaher-e- fanaa hoon teray kis kaam ka

Main shaher-e- fanaa hoon teray kis kaam ka 

Ek bujhta sa diya hoon teray kis kaam ka 

Tu rafaqat kay liye aur kisi ko chun lay

Main to khud tanha hoon teray kis kaam ka 

Tu bhi auron ki tarah mujh se kinaara kar lay 

Sari duniya se bura hoon teray kis kaam ka

Agar tu waja na poochay to aik baat kahoon

Agar tu waja na poochay to aik baat kahoon 

Bin teray ab hum se bhi jiya nahin jaata

Teri masroof zindagi par aitraaz to nahin mujhay

Teri masroof zindagi par aitraaz to nahin mujhay

Kis haal main ho tum itna to bata diya karo

Tum meray ho is baat par koi shak nahin mujh ko

Tum meray ho is baat par koi shak nahin mujh ko 

Tum kisi aur kay nahin ho bas is baat ka yaqeen dila do

Yeh zehmat bhi to rafta rafta rehmat ho hi jaati hai

Yeh zehmat bhi to rafta rafta rehmat ho hi jaati hai 

Musal'sal gham se , gham sehnay ki aadat ho hi jaati hai 

Maseeha ho agar tum sa , zaroorat kiya hai mehram  ki 

Keh kaanton se bhi zakhmon ki jarahat ho hi jaati hai 

Taaluq jin se ho un par gila aaya hi karta hai 

Mohabbat jin se ho un se shikayat ho ho jaati hai 

Zaroori to nahin suraj sawa nezay pe Aa jaye

Badal jaye koi apna to qayamat ho hi jaati hai