Her gharri phirta hai aankhon main tumhara chehra

Her gharri phirta hai aankhon main tumhara chehra 

Zehan ki shaakh pe rehta hai yeh piyaara chehra 

Tum ne jab baat kahi hum se bichar jaanay ki 

Kaash tum dekhtay us waqat hamara chehra 

Itni hairaani se taktay hain hamain sab jaisay 

Humkahin bhool kay aye hain hamara chehra

Shaher ki bheer main khoya hoon  tumhari khaatir

Main ne is bheer main khoya hai tumhara chehra

Log kehnay lagay tasveer bana doon teri 

MAin ne ik phool ka kaaghaz pe utara chehra 

MAin ne kamray main sajai hain tumhari baatein 

Main ne kamray main sajaya hai tumhara chehra 

Poet : Khawari 

Woh ghaar-e-sor se baahir nikalnay wala hai

Woh ghaar-e-sor se baahir nikalnay wala hai 

Tulooh-e-fajar hai lashkar nikalnay wala hai 

Sufaid honay wali hai aankh aur is se 

Her ik rang ka manzar nikalnay wala hai

Yeh satah-e-aab jo ham'waar hoti jaati hai

To seedhi baat hai pathar nikalnay wala hai 

Poet : Amaad Azhar 

Woh mousam aankh main tehraa hua hai

Woh mousam aankh main tehraa hua hai

Woh baarish main teray anay ka mousam 

Woh mousam aankh main tehraa hua hai 

Nasheeli nam si madham tairagi main 

Badan main ik chaman sa khil raha hai 

Dikhaye aks meri khwaishon ke 

Chamakta jisam hai ya aaina hai 

Bhout se raaz mujh pe khul rahay hain 

Meri nazron main ik band qaba hai 

Chupay hain chaand abar-e-ehmareen main 

Kinaron se ujaala phoot'ta hai 

Teray jisam pe thandak chaand jaisi 

Badan main surajon si roshni hai 

Khulay shaano se dhalkay pera'han main 

Yeh mar mar si qayamat kiya tanni hai 

Tujhay main dekhon kis kis zawiye se 

Tu saray zawiyon se deedni hai 

Tujhay woh raat shayed bhool jaye 

Magar meray liye to waqiya hai 

Woh baarish main teray anay ka mousam 

Poet Khawar Ahmed

Woh baarish main teray anay ka mousam

Woh baarish main teray anay ka mousam 

Woh mousam aankh main tehra hua hai 

Nasheeli nam si madham tairagi main 

Badan main ik chaman sa khil raha hai 

Dikhaye aks meri khwaishon ke 

Chamakta jisam hai ya aaina hai 

Bhout se raaz mujh pe khul rahay hain 

Meri nazron main ik band qaba hai 

Chupay hain chaand abar-e-ehmareen main 

Kinaron se ujaala phoot'ta hai 

Teray jisam pe thandak chaand jaisi 

Badan main surajon si roshni hai 

Khulay shaano se dhalkay pera'han main 

Yeh mar mar si qayamat kiya tanni hai 

Tujhay main dekhon kis kis zawiye se 

Tu saray zawiyon se deedni hai 

Tujhay woh raat shayed bhool jaye 

Magar meray liye to waqiya hai 

Woh baarish main teray anay ka mousam 

Poet Khawar Ahmed

Bicharnay se zara pehlay

Bicharnay se zara pehlay

Bicharnay se zara pehlay 

Tumhain bhi soch lena chayea tha 

Tumhain bhi soch lena chayea tha 

Keh youn chahat ko thukraya nahin kartay 

Keh youn beetay dino ko bhoolna acha nahin hota 

Keh youn anjaan ban kar chain se jeena hamaray wastay 

mumkin nahin ho ga 

Tumhain bhi soch lena chayea tha 

Keh woh baatein jo hum aik dosray se kar chukay hain 

Ab kabhi wapis nahin ayein gi 

Keh woh lamhay jo hum aik doosray mai jee chukay hain 

Phir kabhi zinda nahin hon gay 

Bicharnay se zara pehlay 

Tumhain bhi soch lena chayea tha 

Poet : Khalid sharif

Tumhain bhi soch lena chayea tha

Bicharnay se zara pehlay 

Tumhain bhi soch lena chayea tha 

Tumhain bhi soch lena chayea tha 

Keh youn chahat ko thukraya nahin kartay 

Keh youn beetay dino ko bhoolna acha nahin hota 

Keh youn anjaan ban kar chain se jeena hamaray wastay 

mumkin nahin ho ga 

Tumhain bhi soch lena chayea tha 

Keh woh baatein jo hum aik dosray se kar chukay hain 

Ab kabhi wapis nahin ayein gi 

Keh woh lamhay jo hum aik doosray mai jee chukay hain 

Phir kabhi zinda nahin hon gay 

Bicharnay se zara pehlay 

Tumhain bhi soch lena chayea tha 

Poet : Khalid sharif

Gir jaye jo dewaar to maatam nahin kartay

ஜ۩۞۩ஜ♥ஜ۩۞۩ஜ♥ஜ۩۞۩ஜ

Gir jaye jo dewaar to maatam nahin kartay 

Kartay hain bhout log magar hum nahin kartay 

Hai apni tabiyat main jo khaami to yahi hai 

Hum ishq to kartay hain magar kam nahin kartay

ஜ۩۞۩ஜ♥ஜ۩۞۩ஜ♥ஜ۩۞۩ஜ

Rukhsat hua to baat meri maan kar gaya

Rukhsat hua to baat meri maan kar gaya 

Jo us ke paas tha , woh mujjay daan kar gaya 

Bichra kuch is ada se keh rut hi badal gayi 

Ik shaks saray shaher ko veeraan kar gaya 

Dil'chasp waqiya hai keh kal ik aziz dost 

Apnay mufaad par mujhay qurbaan kar gaya 

Kitni sudhar gayi hai judai main zindagi

Haan woh jafa se mujh par to ehsaan kar gaya

"Khalid" main baat baat pe kehta tha jis ko jaan 

Woh shakhs aakhrish mujhay be'jaan kar gaya

Poet : Khalid sharif

Her shaks kibriya hai tujhay dekhnay ke baad

Her shaks kibriya hai tujhay dekhnay ke baad 

Dawa mera ba'jaa hai tujhay dekhnay ke baad 

Hum aa ke teray shaher se wapis na jayein gay 

yeh faisal kiya hai tujhay dekhnay ke baad 

Kehtay hain tujh ko log maseeha magar yahan 

Ik shaks mar gaya hai tujhay dekhnay ke baad 

Sajda karon keh naqash-e-qadam choomti rahoon 

Ghar kaaba ban gaya hai tujhay dekhnay ke baad 

Sajda karoon gi tujh ko to kaafir kahain gay log

Yeh kon sochta hai tujhay dekhnay ke baad 

Rehti hai khoi khoi si her waqat ab "hina"

Yeh haal ho gaya hai tujhay dekhnay ke baad 

Hina Taimuri

Is qadar ghour se us shakhs ko dekha na karo

Is qadar ghour se us shakhs ko dekha na karo 

Woh bharay gahr ka hai aadi ussay tanha na karo

Shor main dab kay na reh jaye tumhari awaaz

Shaher main khaao agar zakham to cheekha na karo

Gar woh aadi na raha dhoop na seh paye ga 

Chand lamhon ka kisi shakhs pe saya na karo 

Doston ne jo diye hain tumhain palkon kay liye 

Aisay moti sar-e-mehfil to lutaya na karo 

Zard chaheray pe jo ghazay ka gulaabi pan hai 

Bheegi aankhon se tum is rang ko ruswa na karo 

Sookhay patton ki sadaon se karo samjhta 

Waqat se pehlay baharon ki tamana na karo 

Maand par jaye "Humaira) na damak chaheron ki 

Pichlay khwaabon ko sar-e-bazam sunaya na karo

Humaira Rehman