Main bhi kitna pagal hoon

Main bhi kitna pagal hoon 

Main bhi raat ko ghar aata hoon 

Apnay darwaze pe dastak detay lamhay

Aksar meri soch mujh se kehti hai 

Aaj to darwaza kholo gi 

Mujh ko dekh kar muskaaye gi 

Mera maatha choomo gi 

Sharmaye gi

Ghar main dakhal ho kar main bhi koi shararat karon ga 

To khud se simat kar reh jaye gi 

Main bhi kitna pagal hoon jana 

Kiya kiya socha karta hoon 

Main bhi kitna pagal hoon 

Aksar meri soch mujh se kehti hai

Aksar meri soch mujh se kehti hai

Main bhi raat ko ghar aata hoon 

Apnay darwaze pe dastak detay lamhay

Aksar meri soch mujh se kehti hai 

Aaj to darwaza kholo gi 

Mujh ko dekh kar muskaaye gi 

Mera maatha choomo gi 

Sharmaye gi

Ghar main dakhal ho kar main bhi koi shararat karon ga 

To khud se simat kar reh jaye gi 

Main bhi kitna pagal hoon jana 

Kiya kiya socha karta hoon 

Main bhi kitna pagal hoon 

Dil ko hisaar-e-ranj-o-alam se nikaal bhi

Dil ko hisaar-e-ranj-o-alam se nikaal bhi 

Kab se bikhar raha hoon mujhay ab sambhal bhi 

Aahat si us haseen ki her soo thi, woh na tha 

Hum ko khusi kay saath hota raha malaal bhi 

Sab apni apni moj-e-fanaa se hain be'khabar 

Mera kamal-e-shairy, tera jamaal bhi

Husn-e-azal ki jaisay nahin doosri misaal

Waisa hi be'nazeer hai us ka khayal bhi 

Mat pooch kaisay marhalay aankhon ko paish thay 

Tha chodween ka chand bhi woh khush jamaal bhi 

Janay woh din thay kon se aur kon sa tha waqat 

Gad mud se ab to honay lagay maah-o-saal bhi

Ek chasham-e-iltafaat ki peh'ham talaash main

Hum bhi ulajhtay jatay hain lamhon ka jaal bhi

Woh ik veeran gali thi shaher-e-dil ki

Dhamki

Woh ik veeran gali thi shaher-e-dil ki 

Shab-e-mahtaab thi 

Lakin wahan ab tak andhera tha 

Tan-e-tanha akela dekh kar , shayed nihata jaan kar mujh ko 

Kisi sun'saan goshay se , achanak samnay aa kar 

Nihayat sard mehri se , bhout safaak lehjay main 

Mohabbat ne mujhay be'haal karnay ki dhamki di !!

Khird ki chaak damaani kay andeshay se sehmaya 

Daraya , zakham-e-dil lag jaye to bharta nahin hai 

Giribaan chaak ho jaye to phir silta nahin hai

Main kya karta

Main zidi tha

Main na mana

Jo hona tha so woh ho kar raha

Veeran gali main shaher-e-dil ki

Mohabbat ab bhi milti hai

Kabhi gaahay ba'gaahay haal-e-dil kay pooch lenay ko

Woh hansti hai

Bhout hi narm go hai ab

Kabhi mujh ko akela dekh le to pooch leti hai

Woh dhamki yaad hai tum ko ?

Main hans deta hoon 

Kya bolon 

Karon bhi kya

Main zidi tha

Main zidi hoon 

Poet :~ Shariq Ali

Hum to kal bhi kehtay thay

Hum to kal bhi kehtay thay 

Apnay aks ki kaalak 

Dhul sakay to dho dalo

Aks ki sabahat ko 

"Bars" chaat leta hai 

Hum to kal bhi kehtay thay 

Apni tehrri aankhon kay 

Tirchay zawiye badlo 

Zawiye jo tirchay hon 

Mustaqeem raahon ka 

Kab suragh milta hai ?

Aainay ki azmat se 

An hiqaartein kaisi ?

Aks se guraizan hain 

Ab bisartein kaisi?

Apnay aap se kab tak ?

Youn nazar churao gay

Aaina jo toro gay 

Khud bhi toot jaao gay 

Poet :~ Mohsin Naqvi

Kahan itni sazein thein bhala is zindagi main

Kahan itni sazein thein bhala is zindagi main 

Hazaron ghar huye roshan jo mera dil jala Mohsin 

Faqat ik lafz-e-mohabbat ki hum ne bheek maangi thi 

Tars gaye khushi ko hum mili hai yeh saza Mohsin 

Sakoon-e-zindagi choora teri ik zaat ki khatar 

Magar phir bhi meri chahat se tum ko hai gila mohsin

Yeh dil toota hua le kar main kis kay paas jaaon ga 

Keh kon hai woh karay ga jo meray dil ki dawa Mohsin 

Teri aankhein teri saansein tera chehra teri dharkan 

Main kaisay bhool paaon ga teri her ik ada Mohsin 

Kisi ko kiya khabar mujh par keh her pal kya guzarti hai 

Meri saari kahani ka hai tu hi Aashna Mohsin

Karam aap kay yaad aanay lagay

Karam aap kay yaad aanay lagay 

Meray zakham phir muskuranay lagay

Shagufta nigahi ka ijaz hai 

Qafas bhi mujhay Aashiyane lagay 

Purana safar khatam honay laga 

Naye raastay jag'maganay lagay 

Yeh kya hai keh hotay huye aap kay 

Zamana mujhay azmaanay lagay 

Firozan hui jin se shaam-e-chaman 

Woh jugnoo bhout hi suhaanay lagay 

Bari dair kay baad doobay hain hum 

Safeenay bil'aakhir thikanay lagay 

 

Kabhi jo tum janaa !

Kabhi jo tum janaa !

Apnay shabnami lehjay main 

Thakawat si mehsoos karo 

Apni sawan aankhon main 

Qayamat si mehsoos karo 

To yeh mashwara hai mera

Apnay bheegay honton se

Chota sa ik kaam lena 

Tum zaroor ik baar mera naam lena 

Hat raha hoon tumharay raastay se

Hat raha hoon tumharay raastay se 

Bojh ban kar main jee nahin sakta 

Ab zaroorat nahin tumhain meri

Be'wajah aa gaya hoon raastay main 

Ugg gaya jaisay rah'guzar main kahin 

Khoobsurat sa koi jungli phool 

Rond kar mitna jis ki qismat hai

Tum mujhay ab kabhi na paai gi

Kuch aur barh gaye jo andheray to kya hua

Kuch aur barh gaye jo andheray to kya hua 

Mayoos to nahin hain talooh-e-sehar se hum 

Mana keh is zameen ko na gulzaar kar sakay 

Kuch khaar kam to kar gaye guzray jidhar se hum 

Lay de kay spnay paas faqat ik nazar to hai 

Kiyon dekhein zindagi ko kisi ki nazar se hum