Meray pagal piya meri chahat na kar

Meray pagal piya meri chahat na kar

Mujhay dekha na kar mujhay socha na kar

Meri be'khwaab aankhon main na jhaanka kar

Main to kho jaaon gi mujhay na dhoonda kar

Main hoon baad'saba jo rukti nahin

Main hoon aisi ghatta jo barasti nahin

MAin sisi lehar hoon jis main halchal na ho

NA tum ko dabo dain yeh lehrain kahin

Meray pagal piya aisi khwaish na kar

Main woh sapna hoon jo keh sach na ho

Main woh umeed hoon jo keh adhoori rahay

Main woh raasta hoon jis ki na manzil milay

MAin woh sehraa hoon jis main bhatak jaao gay

Meray pagal piya aisay rastay na chal

Meray pagal piya meri chahat na kar

Zindagi main baatain bhout kar lein

Zindagi main baatain bhout kar lein

Sun liya hai jawaab bhi

KAbhi doston se , kabhi dushmano se

Lafzon ki is bheer main ghutan si hoti hai ab to

Mujhay snaatay chahiye

Is liye khamoshi se dosti kar li hai

Baaton ki tishnagi bardaasht karnay ki taqat nahin rahi

Veeranay main sar chupaanay ki jaga chahiye

Alfaazon ka koi matlab hi nahin milta

Is liye khamoshi se dosti kar li hai

Rahain gay tamanai , tamana to rehti hai

Par halaat yeh hain keh ab saray hosh hawaas kho chukay

Is barbaadi ko kab tak jhail sakta hai yeh dil-e-dimaagh

Armaano se tang aa chukay hain hum bhi

Is liye khamoshi se dosti kar li hai

Muskuraahaton se roshan hoti rahay gi yeh duniya

Mujhay roshniyon se dar lagnay laga hai

Mujhay andhera chahiye

Is liye khamoshi se dosti kar li hai 

Youn dosti kay naam ko ruswa na keejiye

Youn dosti kay naam ko ruswa na keejiye

Tark-e-taaluqaat ka charcha na keejiye

Jurm-e-sitam ka paas bhi ulfat main shart hai

Palkon ko aansoo'on se bhigoya na keejiye

Aisa na ho umeed se rishta hi toot jaye

Her roz mujh se wada-e-farda na keejiye

Hamdard jis ko apna samjhtay rahay hain aap

US ka hi zindagi main bharosa na keejiye

Kitni aziyat se mujhay us ne bhulaya ho ga

Kitni aziyat se mujhay us ne bhulaya ho ga

Meri yaad ne ussay khoob rulaya ho ga

Baat be baat jo aankh us ki jhalki ho gi

Us ne chahray ko baazo'on main chupaya ho ga

Socha ho ga us ne din main kai baar mujhay

Naam hathali pe bhi lkh likh kar mitaya ho ga

JAhaan us ne mera zikar suna ho ga kisi se

Us ki aankhon main koi ansoo to aya ho ga

Raat ko bhi dair tak nend na ayi ho gi

Us ne takiyea ko bhi seenay se lagay ho ga

Ho kay nidhaal meri yaadon se us ne

Meri tasveer se sar apna tikaya ho ga

Poocha ho ga jo kisi ne us ki haalat ka sabab

US ne baaton main khoob us se chupaya ho ga

Jab kabhi chaand ko dekha ho ga akelay us ne

Ussay mera pyaar bara yaad aya ho ga

Ik saal puraana qissa hai

Ik saal puraana qissa hai

Ik larka tha dewaana sa

Karta tha man'maana sa

Woh shokh shokh chanchal sa

Mehka mehka pagal sa

Ik roz mohabbat kar baitha

Aur ab kay saal ka qissa hai

Ab woh maazi ka hissa hai

Woh pyaar pe jaan ko waar gaya

Aur apnay aap ko maar gaya

Saray jag se jeet gaya

Bas apnay aap se haar gaya

Qaraar de kar kabhi be'qaraar kartay ho

Qaraar de kar kabhi be'qaraar kartay ho

Galay laga kar kaho kitna pyaar kartay ho

Nazar nazar se milay aur khumaar aa jaye

LAbon se kuch na kaho aaitabaar aa jaye

Yeh dil to bharta nahin chand mulaqaaton main

Kitnay tarastay rahay bheegi bheegi raaton main

Taweel raasta kiyon ikhtayaar kartay ho

Galay laga kar kaho kitna pyaar kartay ho

Meray sabar ka na lay imtihaan

Meray sabar ka na lay imtihaan

Meri khamoshi ko sadaa na day

Jo teray bin jee na sakay

Ussay jeenay ki dua na day

Meray jisam-o-jaan ka yeh faasala

Kahin waqat aur barhaa na day

Tujhay bhool kar na bhula sakoon

Tujhay chah kar bhi na paa sakoon

Meri hasraton ko shumaar kar

Meri chahaton ka sila na day

Woh tarap jo shoola-e-jaan main thi

Meray tan badan se lipat gayi

Jo bhujha sakay to bhuja issay

Na bhujha sakay to hawa na day

Tujhay gar milay kabhi furstain

To meri shaam phir se sanwaar day

Gar qatal karna hai to qatal kar youn

Par judaiyon ki saza na day

Aik aansoo meri palkon pe numa'iyaan hi sahi

Aik aansoo meri palkon pe numa'iyaan hi sahi

Log kehtay hain chraghaan to chraghaan hi sahi

Hum ne her dour main raaton se baghawat ki thi

Aaj pa'bandi-e-aaien shabistaan hi sahi

Meri taqdeer main phoolon ka tasawur bhi mohaal

Koi gulshan babakaf-o-khuld badamaan hi sahi

Mujh pe jo beet gayi beet gayi beet gayi

Meri hasrat teray chahray se numaiyaan hi sahi

Mar'ghatton par nahin buniyaad-e-makan rakhain gay

Kar-e-tehzeeb raqeeb-e-sar-o-aasmaan hi sahi

Kitni aankhain huyein be'naar tujhay kiya maloom

kar-e-nazarah teri bazam main asaan hi sahi

JAbar keh zulam liye huye san'naatay main

Koi shorish koi halchal koi toofaan hi sahi

Yeh bhi kiya kam hai keh hum chonktay hain jaagtay hain

Zindagi silsal-e-khwaab-e-parishaan hi sahi

Zulm her rang main pehchaan liya jaye ga

Tera daaman hi sahi mera giribaan hi sahi

Zindagi par kitaab kiya likhon

Zindagi par kitaab kiya likhon

Ab gaye shab kay khwaab kiya likhon

Zindagi to guzar gayi meri

Zindagi kay azaab kiya likhon

Zakham seenay kay chup nahin paatay

Un ka ehad-o-shabaab kiya likhon

Woh meri khwaishon ka qaatil hai

Us ko izzat-e-ma'aab kiya likhon

Dasht main be'hisaab bikhray huye

Pathron ko gulaab kiya likhon

JAb meezaan aik qayam hai

Phir gunnah sawaab kiya likhon

Hai mukamal kitaab-e-dil meri

Tu bata intisaab kiya likhon

Deep jis ka sirf mehalaat hi main jalay

Deep jis ka sirf mehalaat hi main jalay

Chand logon ki khushiyon ko lay kar chalay

Aisay dastoor ko

Subha-e-be-noor ko

Main nahin maanta

Main nahin jaanta

Main be'kaif nahin takhta-e-daar se

Main bhi mansoor hoon , keh do aghiyaar se

Kiyon draatay ho zindaan ki deewaar se

Zulm ki baat ko

Jehel ki raat ko

Main nahin maanta

Main nahin jaanta

Phool shaakhon pe khilnay lagay tum kaho,

Jaam rindon ko milnay lagay tum kaho

Chaak seeno kay silnay lagay tum kaho

Is khulay jhoot ko

Zehan ki loot ko

Main nahin maanta

Main nahin jaanta

Tum ne loota hai sadiyon hamara sakoon

Ab na hum par chalay ga  tumhara fasoon

Chara gar main tumhain kis tarah se kahoon ?

Tum nahin chara gar

Koi maangay magar

Main nahin maanta

Main nahin jaanta

Aaj qabar ki matti main kuch nami si hai

Aaj qabar ki matti main kuch nami si hai

Ehal-e-qabar ko yaad koi aaya bhout hai

Frishto tumharay sawalon jawaabon ka aadi hoon main

Sari zindagi duniya ne aazmaya bhout hai

Ab to sonay do hamin sakoon se qabar main apni

Ta'umar intizaar ne hamain jagaya bhout hai

Ab tak beh rahay hain aansoo bheega hua hai kafan

Dushmano tum dena mujhay kaandha , doston se staya bhout hai

Darta hoon koi samjh na baithay issay doli dulhan ki

Meray janazay ko logon ne sajaya bhout hai

Ro deta hoon jab bhi guzarta hoon ghayal kay manzar se

Kam'bakhat ne jeetay jee mujhay hansaya bhout hai

Tum jo hum se door to ik kaam kar jaana

Tum jo hum se door to ik kaam kar jaana

Kuch pal apnay hamaray naam kar jaana

Agar aa jaye mout hamain teray aanay se pehlay

Tu aa kar meray janazay ka ehtraam kar jaana

NA rona is qadar keh takleef ho hamain

Mout ko bhi mazaak samjh kar anjaan ban jaana

Main ik din so jaaon ga sada kay liye

Phir mujhay be'wafa keh kay  badnaam kar jaana

Jo guzro meri qabar se to nazrain na phairna

Mehmaan hi ban kay salaam dua kar jaana

Mujhay yaad koi dua nahin meray hamsafar abhi soch lay

Mujhay yaad koi dua nahin meray hamsafar abhi soch lay

Tu meri jabeen pe likha nahin meray hamsafar abhi soch lay

Abhi raasta bhi hai dhool main abhi faida bhi hai bhool main

Abhi mujh ko tujh se gila nahin meray hamsafar abhi soch lay

Main janam janam se naraaz hoon main janam janam se udaas hoon

MAin kabhi khul kay hansa nahin meray hamsafar abhi soch lay

Tu hai khwaab khwaab pukaarta meri aankh main nahin ashk bhi

MAin muddaton se jiya nahin meray hamsafar abhi soch lay

Tujhay khushboo'on ki hai aarzoo tujhay roshni ki hai justagoo

Main hawa nahin diya nahin meray hamsafar abhi soch lay

Tujhay aansoo'on ka pata nahin tujhay ratjagon ka gumaan nahin

Tujhay is se aagay pata nahin meray hamsafar abhi soch lay

Kabhi choot sakta hai darmiyaan na zameen milay gi na aasmaan

Tujhay raastay ka pata nahin meray hamsafar abhi soch lay

Mujhay dhoondta hi phiray ga tu na jiye ga roz maray ga tu

Main kabhi bhi ghar pe mila nahin meray hamsafar abhi soch lay

Kaho loutna hai kaisay yahaan meray dard sun meray meharbaan

Meray paas waqat zara nahin meray hamsafar abhi soch lay

Jaagti aankhon main chand khwaab rehnay do

Jaagti aankhon main chand khwaab rehnay do

gaye mousamon ka ab hisaab rehnay do

Kal agar bichar gaye to yaad dilaye ga yeh

Hamaray saath aansoo'on ka sailaab rehnay do

Jo hum ne kahi thein tumhain khat main kabhi

Un baaton ka jawaab rehnay do

Saja'o tum kisi aur ki duniya khushi se

Hamari aankhon ko youn hi be'khwaab rehnay do

Hum kaanton kay aadi hain dosto

Kisi aur ko day dena , yeh gulaab rehnay do

Teray galay main jo baahon ko daal rakhtay hain

Teray galay main jo baahon ko daal rakhtay hain

Tujhay manaanay ka kaisa kamaal rakhtay hain

Tujhay khabar hai tujhay sochnay ki khatar

Bhout se kaam muqadar pe taal rakhtay hain

Koi bhi faisala hum soch kar nahin kartay

Tumharay naam ka sika uchaal rakhtay hain

Tumharay baad yeh aadat si ho gayi apni

Bikhartay sooktay pattay sambhaal rakhtay hain

Khushi se mili hai khud ko azeeyatain day kar

So jaan boojh kay dil ko nidhaal rakhtay hain

Kabhi kabhi woh mujhay hans kay dekh letay hain

Kabhi kabhi mera be'had khyaal rakhtay hain

Tumharay hijar main yeh haal ho gaya apna

Kisi ka khat ho ussay bhi sambhaal rakhtay hain

Khushi milay to teray baad khush nahin hotay

Hum apni aankh main her dam malaal rakhtay hain

Zamanay bhar se bacha kar woh apnay aanchal main

Meray wajood kay tukray sambhaal rakhtay hain

Kuch is liye bhi to be'haal ho gaye hum log

Tumhari yaad ka be'had khyaal rakhtay hain

Kahin aahain , kahin sadmay , kahin wabaal rakha hai

Kahin aahain , kahin sadmay , kahin wabaal rakha hai

Tumharay hijar ne malba yeh dil pe daal rakha hai

Sar-e-tasleem kham kaisay karain na dil ki khwaish par

Isi tootay sheeshay ne hamain sambhaal rakha hai

Palat kay phir nashaiman main kai panchi nahin ponchay

Kisi ne baam par shayed bichaaye jaal rakha hai

Chalay aao, zara dekho keh her mehfil main duniya ne

Tera mera woh qissa hai jo ab uchaal rakha hai

Ajab yeh log detay hain tujhay nisbat gulaabon se

Ghazal main hum ne tujh ko hi teri misaal rakha hai

Yeh fasal-e-dosti hai ya koi hai chaal ka hissa

Keh ab kay youn jo dushman nay mera khyaal rakha hai

Koi woh aarzoo hum ko , kiya hai dar ba dar jis ne

Kisi khyaal ne ghar se hamain nikaal rakha hai

Kaha us ne bichar jaayein mohabbat main jo hum dono

Zara si baat ne pehron mujhay nidhaal rakha hai

Tumhara ishq tumhari wafa hi kaafi hai

Tumhara ishq tumhari wafa hi kaafi hai

Tamaam umar yahi aasara hi kaafi hai

Jahaan kahin bhi milo , mil kay muskuraa dena

Khushi kay wastay , yeh silsala hi kaafi hai

Mujhay baahir kay mousam se , kuch nahin lena

Tumharay pyaar ki rangeen fiza hi kaafi hai

Yeh log kon si manzil ki baat kartay hain yaaro

Mohabbat kay musaafir kay liye to raasta hi kaafi hai

Phir na simtay gi mohabbat jo bikhar jaye gi

Phir na simtay gi mohabbat jo bikhar jaye gi

Zindagi zulf nahinphir jo sanwar jaye gi 

Thaam lo haath us ka jo pyaar karay tum se 

Yeh zindagi tehray gi nahin guzar jaye gi

Tum aao to hum bhi eid karain

Tum aao to hum bhi eid karain 

Hasrat hai tumhari deed karain 

Kuch dair to dil ko chain milay 

Kuch roz to mann kay phool khilain 

Kehtay hain keh eid ki aamad hai 

Hum log bhi kuch taa'eed kartay hain 

Tum se ik yeh guzarish hai 

Yeh apnay dil ki khwaish hai 

Ik baar milo 

Ik baar milo 

Her baar yahi takeed karain 

Maana keh hum dewaanay hain 

Sab baaton se anjaanay hain 

Jab apnay bhi be'gaanay hain 

Kiya ghairon se umeed karain 

Tum aao to hum bhi eid karain

Apnay saaye se bhi ashkon ko chupa kar rona

Apnay saaye se bhi ashkon ko chupa kar rona 

Jab bhi rona ho to chraghon ko bujha kar rona

Log parh letay hain chehray pe likhi sab baatain 

Bara mushkil hai logon se chupa kar rona 

Haath bhi to woh shakhs mila kar na gaya 

Jis ko chaha tha seenay se laga kar rona

Meray pagal piya aisi khwaish na kar

Meray pagal piya meri chahat na kar 

Mujhay dekha na kar mujhay socha na kar 

Meri be'khwaab aankhon main na jhaanka kar 

Main to kho jaaon gi mujhay na dhoonda kar 

Main hoon baad'saba jo rukti nahin 

Main hoon aisi ghatta jo barasti nahin 

MAin sisi lehar hoon jis main halchal na ho 

NA tum ko dabo dain yeh lehrain kahin 

Meray pagal piya aisi khwaish na kar 

Main woh sapna hoon jo keh sach na ho 

Main woh umeed hoon jo keh adhoori rahay 

Main woh raasta hoon jis ki na manzil milay 

MAin woh sehraa hoon jis main bhatak jaao gay 

Meray pagal piya aisay rastay na chal 

Meray pagal piya meri chahat na kar 

Bhool jaana bhi ussay yaad bhi kartay rehna

Bhool jaana bhi ussay yaad bhi kartay rehna 

Acha lagat hai isi dhun main bikhartay rehna

Hijar walon se bari dair se seekha hum ne 

Zinda rehnay kay liye jan se guzartay rehna 

Kiya kahoon kiyon meri neendon main khalal daalta hai 

Chand kay aks ka pani main utartay rehna 

Main agar toot bhi jaaon to phir aaina hoon 

Tum meray baad bhi her roz sanwartay rehna 

Shaam ko doobtay suraj ki hai aadat 

Subho hotay hi meray saath ubhartay rehna 

Dil to kehta hai zamanay se chura loon tujh ko

Dil to kehta hai zamanay se chura loon tujh ko 

Dil ki dharkan ki tarah dil main basa loon tujh ko 

Koi ehsaas judai ka na rehnay paye 

Is tarah khud main meri jaan chupa loon tujh ko 

Tu jo roothay mujh se meri zindagi kay maalik 

Sari duniya se khafa ho kar mana loon tujh ko 

Jab bhi main dekhon teray chahray pe judai ka samaa

Bas yeh chahon kisi tarah hansa loon tujh ko

Bheegi hui hai raat magar jal rahay hain hum

Bheegi hui hai raat magar jal rahay hain hum 

Honay lagi barsaat magar jal rahay hain hum 

Seenay main kaisa dard hai honton pe kaisi pyaas hai 

Kaisay batain hum tumhain anjaana ehsaas hai 

Tum ho hamaray saath magar jal rahay hain hum 

Honay lagi barsaat magar jal rahay hain hum 

Bheegi hui hai raat magar jal rahay hain hum 

Baithay to hain jaan-e-ada chahat kay saye talay 

Phir bhi hain kiyon be'chain yeh waqat kiyon na dhalay 

Hai shabnami mulaqaat magar jal rahay hain hum 

Honay lagai barsaat magar jal rahay hain hum 

Bheegi hui hai raat magar jal rahay hain hum

Bhout takleef deta hai kisi ko alwida kehna

Bhout takleef deta hai kisi ko alwida kehna 

Dikhaai kuch nahin deta 

Sunnai kuch nahin deta 

Faqat kuch kap'kapaatay lafaz 

Jo honton pae tehar jayein 

Ubharti doobti dharkan 

Ussay awaaz deti hai 

Koi apna keh jis ka naam apnay dil pe likha ho 

Keh jis kay wastay dil se duaien hi nikalti hon 

Bhout takleef deta hai ussi ko alwida kehna 

Dil to kehta hai zamanay se chura loon tujh ko

Dil to kehta hai zamanay se chura loon tujh ko 

Dil ki dharkan ki tarah dil main basa loon tujh ko 

Koi ehsaas judai ka na rehnay paye 

Is tarah khud main meri jaan chupa loon tujh ko 

Tu jo roothay mujh se meri zindagi kay maalik 

Sari duniya se khafa ho kar mana loon tujh ko 

Jab bhi main dekhon teray chahray pe udaasi ka samaa

Bas yeh chahon kisi tarah hansa loon tujh ko 

Qadam thak gaye hain door nikalna chor diya hai

Qadam thak gaye hain door nikalna chor diya hai 

Par aisa nahin hai keh main ne chalna chor diya hai 

Aaj bhi akelay hain duniya ki bheer main 

Par aisa nahin keh main ne zamana chor diya hai

Agar khush hai woh dekh kar ansoo meri aankhon main

Agar khush hai woh dekh kar ansoo meri aankhon main 

To khuda ki qasam hum muskuraana hi chor dain gay 

Taraptay rahain gay ussay dekhnay ko 

Magar us ki taraf palkain uthaana hi chor dain gay 

Woh manzil hi kiya meri jo dukh de us ko 

Khuda ki qasam us manzil pe hum jana hi chor dain gay

Tum se judai kay aansoo aankhon main rehtay hain

Tum se judai kay aansoo aankhon main rehtay hain 

Kisi kay samnay kahan , yeh to dil main behtay hain 

Zindagi ka saleeqa kahan hai hamain ab dagmagaatay hain qadam 

Tum ho zindagi meri hum to baar baar yahi kehtay hain 

Hai hasrat-e-dil keh koi bhi pal na teri yaad se ghafil 

Hum soye kahan hain bas jaagtay rehtay hain 

Itna chalay hain keh chal chal kay thak gaye hain 

Sitaaray to bhout hain par hum tumhain chaand kehtay hain 

Tum se judai kay aansoo aankhon main rehtay hain 

Kisi kay samnay kahaan yeh to dil main behtay hain

Ajnabi khouf fizaon main basa ho jaisay

Ajnabi khouf fizaon main basa ho jaisay 

Shaher ka shaher hi asaib zada ho jaisay 

Raat kay pichlay pehar aati hain awazain si 

Door sehra main koi cheekh raha ho jaisay 

Dar-o-dewaar pe chai hai udaasi aisi 

Aaj her ghar se janaza sa utha ho jaisay 

Muskuraata hoon pa-e-khatir-e-ehbaab magar 

Dukh to chehray ki lakeeron pe saja ho jaisay 

Ab agar doob gaya bhi to na maron ga "Kamal"

Behtay paani pe mera naam likha ho jaisay

Kuch khwaab sohanay toot gaye

Kuch khwaab sohanay  toot gaye 

Kuch yaar puranay rooth gaye 

Kuch zakham lagay thay chehray par 

Kuch andar se hum toot gaye 

Kuch hum thay tabiyat kay saaday 

Kuch log begaanay loot gaye 

Kuch apno ne badnaam kiya

Kuch ban afsaanay jhoot gaye 

Kuch apni shakista nao thi 

Kuch hum se kinaaray choot gaye

Aaj rootha hua ik dost bhout yaad aya

Aaj rootha hua ik dost bhout yaad aya 

Acha guzra hua kuch waqat bhout yaad aya 

Meri aankhon kay her ik ashk pe ronay wala 

Aaj jab yeh aankh roi to bhout yaad aya 

Jo meray dard ko seenay main chup leta tha 

Aaj jab dard hua mujh ko bhout yaad aya 

Jo meri aankh main kajal ki tarah rehta tha 

Aaj kajal jo lagaya to bhout yaad aya 

Jo meray dil kay tha qareeb faqat us ko hi 

Aaj jab dil ne bulaya to bhout yaad aya

Zara tham tham kar barsa kar

Zara tham tham kar barsa kar 

Abhi itna na rootha kar 

Abhi to door hai manzil 

Abhi khud ko na tanha kar 

Teri aankhain samnadar hain 

Samandar ko na sehra kar 

Mera dil doob jaata hai 

Mujhay aisay na dekha kar 

Hawa mujh se kahay pagal 

Na youn raston main baitha kar 

Woh ik din chor jaye ga 

Ussay itna na chah kar

Mili her qadam par rafaqat tumhari

Mili her qadam par rafaqat tumhari 

Kahan hum kahan yeh inayat tumhari 

Hamain chaiye bas taa'luq tumhara 

Mohabbat milay ya adawat tumhari 

Kisi se bhi milna ussay jeet lena 

Bari dil'nasheen hai yeh aadat tumhari 

Na dekha jahaan main koi aur tum sa

Bari munfarid hai tabiyat tumhari 

Mahain zindagi kay kai raaston par 

Hamesha rahay gi zaroorat tumhari 

Youn na mil mujh se khafa ho jaisay

Youn na mil mujh se khafa ho jaisay 

Saath chal moj-e-saba ho jaisay 

Log youn dekh kar hans detay hain 

Tu mujhay bhool gaya ho jaisay 

Ishq ko shirk ki had tak na barha 

Youn na mil hum se khuda ho jaisay 

Mout bhi ayi to is naaz kay saath 

Mujh pe ehsaan kiya ho jaisay 

Aisay anjaan banay baithay ho 

Tum ko kuch bhi na pata ho jaisay 

Hichkiyaan raat ko aati hi raheen 

Tu ne phir yaad kiya ho jaisay 

Zindagi beet rahi hai "Imran"

Ek be-jurm saza ho jaisay 

Is liye khamoshi se dosti kar li hai

Zindagi main baatain bhout kar lein 

Sun liya hai jawaab bhi 

KAbhi doston se , kabhi dushmano se 

Lafzon ki is bheer main ghutan si hoti hai ab to 

Mujhay snaatay chahiye

Is liye khamoshi se dosti kar li hai 

Baaton ki tishnagi bardaasht karnay ki taqat nahin rahi 

Veeranay main sar chupaanay ki jaga chahiye 

Alfaazon ka koi matlab hi nahin milta 

Is liye khamoshi se dosti kar li hai 

Rahain gay tamanai , tamana to rehti hai 

Par halaat yeh hain keh ab saray hosh hawaas kho chukay

Is barbaadi ko kab tak jhail sakta hai yeh dil-e-dimaagh 

Armaano se tang aa chukay hain hum bhi 

Is liye khamoshi se dosti kar li hai 

Muskuraahaton se roshan hoti rahay gi yeh duniya 

Mujhay roshniyon se dar lagnay laga hai 

Mujhay andhera chahiye

Is liye khamoshi se dosti kar li hai  

Do pyaasay dil aik huye hain aisay

Do pyaasay dil aik huye hain aisay 

Bichrain gay ab kaisay 

Tum pyaar mujhay kartay hi rehna 

Sari umar tum aisay 

Ek doojay main kho jaatay hain 

NAdiyaan sagar jaisay 

Tujh se hai yeh zindagi 

Tujh se hai jeewan kahaani 

Tujh se hai sanjh aur sewera

Saathi kabhi tu na roothay 

Rasmon ki dewaar tootay 

Tootay na baanhon ka ghaira 

Meray sanam teri qasam 

Tujh se hai wada yeh mera 

Aisay rahain gay 

Nain aur nindiya jaisay 

Qadmon talay her khushi hai 

Kitni haseen zindagi hai 

Jeewan youn hi beet jaye 

Aankhon kay tu ru-ba-ru hai 

Dekhon jidhar tu hi tu hai 

Tujh bin nazar kuch na aye 

Haye zindagi hamain kabhi 

Zamana juda kar na paye 

Aisay rahain gay 

Phool aur khushboo jaisay 

 

Palkon ko aansoo'on se bhigoya na keejiye

Youn dosti kay naam ko ruswa na keejiye

Tark-e-taaluqaat ka charcha na keejiye

Jurm-e-sitam ka paas bhi ulfat main shart hai 

Palkon ko aansoo'on se bhigoya na keejiye

Aisa na ho umeed se rishta hi toot jaye 

Her roz mujh se wada-e-farda na keejiye

Hamdard jis ko apna samjhtay rahay hain aap 

US ka hi zindagi main bharosa na keejiye

Dosti pehli baarish ki boondon main hai

Dosti pehli baarish ki boondon main hai 

dosti khiltay phool ki khushboo main hain 

Dosti ugtay suraj ki kirno main hain 

Dosti her naye rishtay ki umeed hai 

Dosti khwaab hai , dosti jeet hai 

Dosti pyaar hai , dosti geet hai 

Dosti sang chalti hawao'on main hai 

Dosti in barasti ghata'on main hai 

Dosti doston ki wafaon main hai 

Haath utha kar jo maangi hai dua 

Dosti ka asar in dua'on main hai 

Dosti pehli baarish ki boond'on main hai

 

Ghalti meri thi

Ghalti meri thi 

Us ne mujhay chaha hi nahin main chahat samjh baithi 

Ghalti meri thi 

Us ki pal bhar ki muskurahat ko pyaar samjh baithi

Ghalti meri thi 

Woh to her baat pe haan karta tha main hi iqraar samjh baithi 

Ghalti meri thi 

Us ne mujh se ziyaada ehmiyat di meray doston ko 

Main us ki yeh ada mazaakh samjh baithi 

Ghalti meri thi 

Us ne kaha bhi tha koi aur hai meri zindagi main 

Main hi khud ko us ki zindagi samjh baithi 

Ghalti meri thi

Ungli pakar kar chalna shikaya tha jin ko

Ungli pakar kar chalna shikaya tha jin ko 

Qadam un se  mila kay chalna mohaal  ho agya 

Shikayat yahi rahi ho gi maa baap ki meray bhi mujh se 

Kaash is ehsaas ne us waqat jagaya hota 

Aaj jis dard se main guzar raha hoon 

Maa baap ka woh dard mitaya hota

Meri yaad ne ussay khoob rulaya ho ga

Kitni aziyat se mujhay us ne bhulaya ho ga 

Meri yaad ne ussay khoob rulaya ho ga 

Baat be baat jo aankh us ki jhalki ho gi 

Us ne chahray ko baazo'on main chupaya ho ga 

Socha ho ga us ne din main kai baar mujhay 

Naam hathali pe bhi lkh likh kar mitaya ho ga 

JAhaan us ne mera zikar suna ho ga kisi se 

Us ki aankhon main koi ansoo to aya ho ga 

Raat ko bhi dair tak nend na ayi ho gi 

Us ne takiyea ko bhi seenay se lagay ho ga 

Ho kay nidhaal meri yaadon se us ne 

Meri tasveer se sar apna tikaya ho ga 

Poocha ho ga jo kisi ne us ki haalat ka sabab 

US ne baaton main khoob us se chupaya ho ga 

Jab kabhi chaand ko dekha ho ga akelay us ne 

Ussay mera pyaar bara yaad aya ho ga 

Tum kiyon banay thay dil ka sahaara jawaab do

Tum kiyon banay thay dil ka sahaara jawaab do

Ab kahaan hai woh pyaar tumhara jawaab do 

Kisi ko tha naaz apni adaaon pe her gharri 

Hum to seh na sakain gay judai ka gham 

Yeh qoul tha mera keh tumhara jawaab doon 

Ek taraf zindagi ek taraf mout hai 

Ab kis taraf karo gay ishaara jawaab do

Dasht-e-ghurbat main muflison ka lahoo aam bikta hai

Dasht-e-ghurbat main muflison ka lahoo aam bikta hai 

Kisi ka jism bikta hai , kisi ka naam bikta hai 

Duniya day gi kiya tum ko , aur tum lo gay kiya is se ?

Aa mera daaman thaam keh mehkada-e-jaam bikta hai 

Hirs kay bazaaron main hawa ki baiti ka aanchal 

Pehlay subho ko bikta tha magar ab shaam bikta hai 

Ameer-e-shaher ki mehlaat ki baat bhi khoob hai 

Magar fakeer-e-shaher ki goad main araam bikta hai  

Agar woh pyaar kar leti

Agar woh pyaar kar leti 

Mera daaman pakar leti 

To jeevan main faqat us se 

Mohabbat farz ho jaati 

Mohabbat qarz ho jaati

Magar 

Acha kiya us ne 

Mujhay samjh kay chal nikli 

Mujhay thukra kay chal nikli 

Bhout nadaan si hai woh 

Abhi anjaan si hai woh 

Kahaan maloom hai us ko 

Mohabbat zindagi main bas 

Faqat ik baar milti hai 

Agar thukraa kay chal niklain 

To umrain beet jaati hain 

Mohabbat ki tamana main 

Magar 

Her aik raastay pe 

Sirf ruswai milti hai 

Faqat tanhai milti hai 

Yaar kisi qaatil se kabhi pyaar na maango

Yaar kisi qaatil se kabhi pyaar na maango 

Apnay hi galay kay liye talwaar na maango

Gir jaao gay tum apnay maseeha ki nazar se 

Mar kar bhi ilaj-e-dil-e-beemaar na maango 

Khul jaye ga is tarah nigaahon ka bharam bhi 

Kaanton se kabhi phool ki mehkaar na maango

Sach baat pe milta hai sada zehar ka pyaala 

Jeena hai to phir jurrat-e-izaar na maango

Us cheez ka kiya zikar jo mumkin hi nahin hai 

Sehra main kabhi saya-e-dewaar na maango

Ajeeb karb main guzri , jahaan jahaan guzri

Ajeeb karb main guzri , jahaan jahaan guzri 

Agarchay chahnay walon kay darmiyaan guzri 

Tamaam umar jalaatay rahay chragh-e-umeed 

Tamaam umar umeedon kay darmiyaan guzri 

Guzar gayi jo teray saath , yaad gaar hai woh 

Teray baghair jo guzri , balaa-e-jaan guzri 

Mujhay sakoon myussar nahin to kiya gham hai 

Gulon ki umar to kaanton kay darmiyaan guzri 

Ajeeb cheez hai . yeh gardish-e-zamana bhi 

Kabhi zameen pay , kabhi misal-e-asmaan guzri

Tumhain paa kar khona meray bas main nahin

Tumhain paa kar khona meray bas main nahin

Ab koi aur zakham piroona meray bas main nahin

Ek umar tak dhoya hai dil kay daaghon ko

Jaag chukay hain bhout shab ki tanhaiyon main keh 

Ab yeh daagh dhoona meray bas main nahin 

Khushiyon ki aakhri umeed lay kar aya hoon teray dar pe 

Dukhon main ab rona meray bas main nahin 

Teray baad nazar aati nahin mujhay koi bhi manzil 

Kisi aur ka hona ab meray bas main nahin 

 

Mujhay bas itna kehna hai kabhi main yaad aayon to

Mujhay bas itna kehna hai 

Kabhi main yaad aayon to 

Kabhi tanhai ki raatain tumhain ziyada stayein to

KAbhi titli na bolay to 

KAbhi jugnoo loat jayein to 

KAbhi jab dil bhi bhar jaye to 

Koi jab sun na paye to 

Agar sab dost saathi bhi 

Jo tum se rooth jayein to 

Kabhi jab khud se lar lar kar 

Thakan se choor ho jaao 

KAbhi chahatay bhi huye akelay 

Ro na paao to 

Apni aankhon ko band karna 

Mujhay awaaz dena 

Aur 

Phir meray taswur se 

Jo chaho keh dena 

Meray kaanday par sar rakh kar 

Tum jitna chaho ro lena 

Phir jab khud main loat jaao to 

Issi duniya main chalay jaana 

MAgar bas itna kehna hai 

Keh jab bhi dukh ya khushiyon main 

HAmain dil se pukaaro gay 

HAmain saath paao gay 

Hamain paas paao gay

Ik larka tha dewaana sa

Ik saal puraana qissa hai 

Ik larka tha dewaana sa 

Karta tha man'maana sa 

Woh shokh shokh chanchal sa

Mehka mehka pagal sa

Ik roz mohabbat kar baitha 

Aur ab kay saal ka qissa hai 

Ab woh maazi ka hissa hai 

Woh pyaar pe jaan ko waar gaya 

Aur apnay aap ko maar gaya 

Saray jag se jeet gaya 

Bas apnay aap se haar gaya 

 

Galay laga kar kaho kitna pyaar kartay ho

Qaraar de kar kabhi be'qaraar kartay ho 

Galay laga kar kaho kitna pyaar kartay ho 

Nazar nazar se milay aur khumaar aa jaye 

LAbon se kuch na kaho aaitabaar aa jaye 

Yeh dil to bharta nahin chand mulaqaaton main 

Kitnay tarastay rahay bheegi bheegi raaton main 

Taweel raasta kiyon ikhtayaar kartay ho 

Galay laga kar kaho kitna pyaar kartay ho 

Jo teray bin jee na sakay ussay jeenay ki dua na day

Meray sabar ka na lay intihaan 

Meri khamoshi ko sadaa na day 

Jo teray bin jee na sakay 

Ussay jeenay ki dua na day 

Meray jisam-o-jaan ka yeh faasala 

Kahin waqat aur barhaa na day 

Tujhay bhool kar na bhula sakoon 

Tujhay chah kar bhi na paa sakoon 

Meri hasraton ko shumaar kar 

Meri chahaton ka sila na day 

Woh tarap jo shoola-e-jaan main thi 

Meray tan badan se lipat gayi 

Jo bhujha sakay to bhuja issay 

Na bhujha sakay to hawa na day 

Tujhay gar milay kabhi furstain 

To meri shaam phir se sanwaar day 

Gar qatal karna hai to qatal kar youn 

Par judaiyon ki saza na day 

Ik ik pathar jor kar main ne jo dewaar baanai hai

Ik ik pathar jor kar main ne jo dewaar baanai hai 

Jhaankon us kay peechay to ruswai hi ruswai hai 

Youn lagta hai sootay jaagtay auron ka mohtaaj hoon main 

Aankhain meri apni hain par un main neend praa'ie hai

Dekh rahay hain sab hairat se neelay neelay paani ko 

Poochay kon samandar se tujh main kitni gehraai hai 

Sab kehtay hain keh ik jannat utri hai meri dharti par 

Main dil maon sochon shayed kamzor meri bee'naie hai

Baahir sehan main pairron pe kuch jaltay bujhtay jugnoo thay 

Hairat hai phir ghar kay andar kis ne aag lagaai hai 

Aaj hua maloom mujhay is shaher kay chand saaiyon se 

Apni raah badaltay rehna sab se bari daa'naei hai 

Tor gaya paimaan-e-wafa is dour main kaisay kaisay log 

Yeh mat soch "Qateel" keh bas ik yaar tera har'jaaei hai 

 

Yahi aarzoo rahi umar bhar keh mohabbatain meray saath hon

Yahi aarzoo rahi umar bhar keh mohabbatain meray saath hon 

Kabhi aisa ishq nahin kiya keh nadamatain meray saath hon 

Koi aisa harf nahin likha keh ho sharm saar qalam mera 

Koi aisa jurm nahin kiya keh wazahatain meray saath hon 

Faqat ik shakhs ki aarzoo main guzar rahi hai yeh zindagi 

Yeh talab nahin keh tamaam shaher ki chahtain meray saath hon 

Jo main jaagta hon to is liye keh kisi ko neend to aa sakay 

Meri subha us pe nisaar ho meri zulmatain meray saath hon 

Main kisi adalat-e-ishq main , Ae meray khuda rahoon sur'khuru

Kaf-e-dast pe mera dil arhay , meri tohmatain meray saath hon 

Yeh nahin keh raah main jo milay ussay hamsafar hi bana loon 

Jo tamaam umar nibha sakain woh rafaqatain meray saath hon 

Mujhay rasmi sa mail jol pasand hi nahin jan-e-man 

Main yeh chahta hoon keh jo tu milay meri wehshatain meray saath hon 

Dukh ki taskeen risaalay to nahin kar saktay

Dukh ki taskeen risaalay to nahin kar saktay 

Yeh fasaanay , yeh maqaalay to nahin kar saktay 

Roshni chahiye lakin isi ik shouq main hum 

Ghar kay sholon kay walay to nahin kar saktay 

Noor ki raah main dewaar uthaanay walay 

Qaid suraj kay ujaalay to nahin kar saktay 

Raig-e-sehra hi sunaey gi safar ki ru'daad

|Guftagoo paaon kay chaalay to nahin kar saktay 

Kaisay aashiq hain keh khush hain teri ruswai par 

Youn kabhi chahnay walay to nahin kar saktay 

Bad'gumaan hum se hain kuch log to majboor hain hum 

Saaf her zehan kay jaalay to nahin kar saktay 

Log kehtay hain chraghaan to chraghaan hi sahi

Aik aansoo meri palkon pe numa'iyaan hi sahi 

Log kehtay hain chraghaan to chraghaan hi sahi 

Hum ne her dour main raaton se baghawat ki thi 

Aaj pa'bandi-e-aaien shabistaan hi sahi 

Meri taqdeer main phoolon ka tasawur bhi mohaal 

Koi gulshan babakaf-o-khuld badamaan hi sahi 

Mujh pe jo beet gayi beet gayi beet gayi 

Meri hasrat teray chahray se numaiyaan hi sahi 

Mar'ghatton par nahin buniyaad-e-makan rakhain gay 

Kar-e-tehzeeb raqeeb-e-sar-o-aasmaan hi sahi 

Kitni aankhain huyein be'naar tujhay kiya maloom 

kar-e-nazarah teri bazam main asaan hi sahi 

JAbar keh zulam liye huye san'naatay main 

Koi shorish koi halchal koi toofaan hi sahi 

Yeh bhi kiya kam hai keh hum chonktay hain jaagtay hain 

Zindagi silsal-e-khwaab-e-parishaan hi sahi 

Zulm her rang main pehchaan liya jaye ga 

Tera daaman hi sahi mera giribaan hi sahi

Poocha keh rooh nikalti hai jisam se kis tarah ?

Poocha keh rooh nikalti hai 

Jisam se kis tarah ?

Haath us ne haathon se churra 

kar dikha diya

Poocha keh mehshar se pehlay 

qayamat hai kiya ?

Naqaab us ne rukh se utha 

kar dikha diya 

Pooch yeh her taraf khizaan 

si kiyon hai ?

Mehfil se khud ko utha 

kar dikha diya 

Poocha keh ik diya jo hawa se 

nahin bujh sakay 

Diya us ne wafa ka jala kar 

Dikha diya 

Poocha keh aakhir yeh hasad 

hai kiya cheez?

US ne kisi aur ko apna bana 

kar dikha diya

Ek roz tum ne thaama tha haath mera

Ek roz tum ne thaama tha haath mera 

Meray haath se tumharay haath ki khushboo nahin jaati 

Tum bhout pyaar se pukaartay thay naam mera 

Meray kaano se tumhari woh awaaz nahin jaati 

Main bulaata bhi nahin tha or tum aa jaatay thay 

Ab bulaanay par bhi meri awaaz tum tak nahin jaati 

Bas chukay ho tum meri nas nas main lahoo ki tarah 

Meri ulfat tumhari rooh main utar kiyon nahin jaati 

Main jaanta hoon yeh shaher yeh raastay tumharay nahin 

Phir bhi meri aankhon se intizaar ki aadat nahin jaati 

What happend to us i cannot comprehend

What happend to us i cannot comprehend

Morning at your loss we were stunned

Lovely smiling figure thought of u as piece of art 

How can you go away despite being active and smart

Today everyone mourns at your tragic departure 

This event shook us up in from big disaster 

I cannot buy the word that can explain you 

Word of this kind are too expensive when it comes to you 

Even this day your solitary figure flashes across my mind 

So charming u were , the very one of your own kind

Mists in my eyes blur every image of you 

U were indeed lovable May God Bless You

Kabhi un ka dar kabhi dar-ba-dar

Kabhi un ka dar kabhi dar-ba-dar

Kabhi arsh par kabhi farsh par 

Gham-e-ishq tera shukriya 

Main kahaan kahaan se guzar gaya