Barishon main bheeg kar sab pairr ujlay ho gaye

Barishon main bheeg kar sab pairr ujlay ho gaye 

Raat bhar ronay ne kuch mujh ko bhi halka kar diya 

Roz milta tha main tum se , roz hota tha juda 

Is tarah kay haadson ne zakham gehra kar diya

Ik tumharay payar ne jadoo yeh kaisa kar diya

Ik tumharay payar ne jadoo yeh kaisa kar diya 

Chaar su meray ujaala hi ujaala kar diya 

Kon kehta hai mohabbat naam hai ruswai ka 

Kab suna hai phool ko shabnam ne meila kar diya 

 Dhoondta phirta hai ab woh doston ko her taraf 

Dosti kay shouq ne us ko akela kar diya 

Cheekh sun kar bhi kisi ne murr kay dekha hi nahin 

Be'hissi ne shaher kay logon ko behra kar diya

Baarishon main bheeg kar sab pairr ujlay ho gaye
Raat bhar ronay ne kuch mujh ko bhi halka kar diya 

Roz milta tha main tum se, roz hota tha juda 
Is tarah kay haadson ne zakham gehra kar diya 

Ae meri soch kay mehwar , tum apnay saray dukh ro lo

Ae meri soch kay mehwar , tum apnay saray dukh ro lo 

Samjh lo mujh ko chara gar , tum apnay saray dukh ro lo 

Issay tum mashwara samjho ya mera tajarba samjho !

Yeh dil ho jaye ga pathar , tum apnay saray dukh ro lo 

Mujhay khamosh ashkon se bhout hi khouf aata hai 

Na rakho aankh youn banjar , tum apnay saray dukh ro lo 

Tumhein is ki khabar ho gi , yeh ik din khoon rula'iye ga 

Bhula kar khawab ka paikar , tum apnay saray dukh ro lo 

Meri jaan! yeh nahin socho , samaiton ga inhein kaisay 

Meray shanay pe sar rakh kar , tum apnay saray dukh ro lo 

Suan hai us ki aankhon main tumharay zakham khiltay hain 

Tumhein kehta hai jo aksar , tum apnay saray dukh ro lo 

Suno ! ne'meharban aankhein tumhein aisay hi daikhein gi 

Nahin badlay ga yeh manzir , tum apnay saray dukh ro lo 

Agar youn ashk ronay se anaa par chot parti hai 

Hansi ki orh kar chadar , tum apnay saray dukh ro lo 

Bata dena yeh mera dil tumharay gham se bojhal hai 

Ussay kehna yeh nama bar , tum apnay saray dukh ro lo

Ae meray kam sukhan sathi

Ae meray kam sukhan sathi

Meri banjar si aankhon se

Koi dhoka nahin kaao 

Keh tum kab dekh sakti ho 

Meray dil main chuppay ghaao

Ae meray kam sukhan sathi !

Tumhein shayed khabar ho gi 

Mohabbat main jo behtay hain 

Woh aansoo khushak hotay hain

Aainay se rihaa karay koi

Aainay se rihaa karay koi 

Mujh ko mujh se juda karay koi 

Be'basi jaan lenay lagti hai 

Jo na roye to kya karay koi 

Shiddat-e-gham ko jan'nanay kay liye

Kaash aankhein parha karay koi 

Ab yeh dil hai keh main rahoon khush aur

Meray gham main raha karay koi 

Main bhi thehron kisi kay honton par

Meri khatir dua karay koi 

Rokti hai anaa yeh kehnay se

"Meray dukh ki dawa karay koi "

Be'wafai kay surkh mousam main 

Kya kisi se wafa karay koi

Mujhay is zindgani se koi shikwa nahin lakin zara si be'sakooni hai

Zara si be'sakooni hai 

Mujhay is zindgani se koi shikwa nahin lakin 

Zara si be'sakooni hai 

Na janay kiyon meray dil main 

Ajab ik khouf rehta hai 

Mujhay mehsoos hota hai 

Keh meray dil kay darwaze pe 

Teri yaad ki dastak main woh shiddat nahin baqi 

Bhout si khaas baatein hain 

Jo mujh ko aam lagti hain 

Meray dil main inhein sun kar koi toofan nahin uthta 

Teri aankhein , tera chehra 

Teri awaaz ki rim jhim 

Sabhi kuch khawab lagta hai 

Mujhay mehsoos hoat hai 

Sunehri titliyon jaisay 

Woh sab khush rang se sapnay 

Meray lafzon kay phoolon par 

Bhout din se nahin baithay 

Mujhay mehsoos hota hai 

Samay ki tez lehron ne 

Hamaray rait kay kacchay gharonday tor dalay hain 

Mujhay in tez lehron se

Sunehri titliyon jaisay 

Sabhi khush rang sapno se

Koi shikwa nahin lakin 

Zara si be'sakooni hai 

Mujhay mehsoos hota hai 

Tumharay dil kay darwaze pe meri yaad ki dastak 

Meri jaan ab nahin hoti 

Meri jaan ab nahin hota 

Keh meri yaad aaye to 

Tumhari aankh bhar aaye 

Duaein maangtay lamhay 

Mujhay tum bhool jati ho

Magar phir bhi mujhay tum se

Koi shikwa nahin lakin 

Ajab si be'sakooni hai 

Ajab ik khouf hai dil main 

Main tum ko bhool jaaon ga 

Duriyan muqaddar hain

Duriyan muqaddar hain 

Sogawaar lehjay main 

Pairr khushk patton se 

keh rahay hain patt jhar hai 

Duriyan muqaddar hain

Chupana raaz is dil kay agar tum chor do jana

Chupana raaz is dil kay 

Agar tum chor do jana

Tumhein mujh se mohabbat hai 

Agar tum bol do jana 

To jeewan kay safar main 

Raasat asaan ho jaye 

Hamaray paas bhi jeenay ka kuch samaan ho ajye 

Wagarna hum 

Tumharay dil kay darwaze kay baahir

Aas main baithay rahein gay 

Tum kabhi to band darwaze ko kholo gi 

Meray shanay pe sar rakh kar

Kabhi dheeray se bolo gi 

"Mujhay tum se mohabbat hai "

Mujhay tum kya batao gi keh jab se mujh se bichri ho

Mujhay tum kya batao gi ?

Keh jab se mujh se bichri ho 

Bhout be'chain rehti ho 

Meri baatein sata'ti hain 

Meray lafzon kay jugnoo !

Aik pal ojhal nahin hotay 

Meri nazmein rulati hain Meri aankhein jagati hain 

Mujhay tum kya batao gi 

Keh tum ne baar ha in ajnabi chehron kay jungle main 

Meray chehray ko dhoonda hai 

Kisi manoos lehjay par 

Kisi manoos aahat par 

Palat kar aisay dekha hai 

Keh jaisay tum meri mojoodagi mehsoos karti ho !

Mujhay tum kya batao gi !

Keh kitni shabnami shamein

Tehaltay , sochtay guzrein 

Keh kitni chandni raatein 

Dua'ein maangtay guzrein 

Keh kitnay ashk aisay thay 

Jo girtay hi rahay dil main 

Mujhay tum kya batao gi 

Meri jaan ! main samjhta hoon 

Tumhari un'kahi baatein 

Keh main in mousamon kay aik ik rastay se guzra hoon 

Main ab bhi lafz chunta hoon 

Main ab bhi ashk bunta hoon  

Keh jab se tum se bichra hoon 

Tumhari zaat par guzray 

Main her mousam main rehta hoon 

To phir kya sunao gi

Mujhay tum kya batao gi

Mujhay kuch dair sonay de

Mujhay kuch dair sonay de 

Suno ! 

Main thak gaya hoon 

Meri palkon pe ab tak kuch adhuray khawab jaltay hain 

Meri neendon main teray wasal ka resham ulajhta hai 

Meray aansoo , meray chehray pe teray gham ko likhtay hain 

Meray andar kai sadiyon kay sanaton ka daira hai 

Meray alfaaz baanhein waa kiye mujh ko bulatay hain 

Magar main thak gaya hoon 

Aur main ne khamoshi ki goad main sar rakh diya hai 

Main baalon main tumharay hijar ki narm ungliyan mehsoos karta hoon 

Meri palkon pe jaltay khawab hain ab raakh ki surat 

Tumharay wasal ka resham bhi ab neendein nahin buntein 

Meri aankhon main jaisay thar kay mousam ka basera hai 

Mujhay andar kay sanaton main gehri neend aayi hai 

Suno !

Is yaad se keh do 

Mujhay kuch dair sonay de

Suno main thak gaya hoon

Mujhay kuch dair sonay de 

Suno ! 

Main thak gaya hoon 

Meri palkon pe ab tak kuch adhuray khawab jaltay hain 

Meri neendon main teray wasal ka resham ulajhta hai 

Meray aansoo , meray chehray pe teray gham ko likhtay hain 

Meray andar kai sadiyon kay sanaton ka daira hai 

Meray alfaaz baanhein waa kiye mujh ko bulatay hain 

Magar main thak gaya hoon 

Aur main ne khamoshi ki goad main sar rakh diya hai 

Main baalon main tumharay hijar ki narm ungliyan mehsoos karta hoon 

Meri palkon pe jaltay khawab hain ab raakh ki surat 

Tumharay wasal ka resham bhi ab neendein nahin buntein 

Meri aankhon main jaisay thar kay mousam ka basera hai 

Mujhay andar kay sanaton main gehri neend aayi hai 

Suno !

Is yaad se keh do 

Mujhay kuch dair sonay de

Meray aansoo meray andar girtay hain

Meray aansoo meray andar girtay hain 

Jaisay dariya beech samandar girtay hain 

Teri yaadein woh toofan uthati hain 

Ik ik kar kay saray manzir girtay hain 

Kitni lehrein shairon main dhal jati hain 

Soch kay pani main jab pathar girtay hain 

Hum ne thokar kha kar chalna seekha hai

Aur hain woh jo thokar kha kar girtay hain 

Ronay walay ! yeh tujh ko maloom nahin 

Teray aansoo , meray dil pe girtay hain 

Tum bas us ka rog laga kar baithay ho 

Sapno kay yeh ghar to aksar girtay hain

Mujhay tum is tarah sotay huye mat chor kar jana

Kaha tha na !

Mujhay tum is tarah sotay huye mat chor kar jana

Mujhay be'shak jaga dena 

Bata dena 

Mohabbat kay safar main saath meray chal nahin sakti 

Judai main , hijar main , saath meray jal nahin sakti 

Tumhein rasta badalna hai 

Meri had se nikalna hai 

Tumhein kis baat ka dar tha 

Tumhein janay nahin deta ?

Kahin pe qaid kar leta ?

Aray pagli !

Mohabbat ki tabiyat main 

Zabardasti nahin hoti 

Jissay rasta badalna ho , ussay rasta badalnay se 

Jissay had se nikalna ho , ussay had se nikalnay se 

Na koi rok paya hai 

Na koi rok paye ga 

Tumhein kis baat ka dar tha 

Mujhay be'shak jaga detay 

Main tum ko dekh hi leta 

Tumhein koi dua deta 

KAm az kam youn to na hota !

Meray saathi haqeeqat hai 

Tumharay baad khonay kay liye kuch bhi nahin baaqi 

Magar khonay se darta hoon 

Main ab sonay se darta hoon

Judai kay baad pehli nazam

Judai kay baad pehli nazam 

Shafaq roi hui aankhon ki maanind 

Sitaray mujh ko aansoo dikh rahay hain 

Mujhay in patiyon ki sar'sarahat 

Dabi aahon ki maanind lag rahi hai 

Prinday boltay hain to !

Mujhay lagta hai keh jaisay 

Yeh saray bain kartay hon

Main murjhaai hui , nochi hui 

Mujhay us dam khili kaliyaan 

Youn lagti hain !

Keh jaisay in ki be'bas zindagi par muskurati hon 

Na janay kiyon 

Meri aankhon ko her manzir bhout tareek lagta hai 

Mujhay sab gham to dikhtay hain 

Magar khushiyon bharay mousam 

Na janay kiyon nahin dikhtay 

Na janay woh shafaq , woh chand taray 

Phool aur kaliyan 

Jo in khushiyon bharay sab mousamon main 

Roshni kay ista'aray thay 

Kahan par chup kar baithay hain 

Dikhaai kiyon nahin detay ?

Prinday cheh'chahatay hain

Ya pattay sar'saratay hain

To woh naghmay !

Jo in khushiyon bharray sab mousamon ki 

Goonj hotay thay 

Kahan par kho gaye hain 

Sunaai kiyon nahin detay ?

Na janay kiyon 

Meri aankhon ko her manzir

Bhout tareek lagta hai 

Shafaq roi hui aankhon ki maanind

Judai kay baad pehli nazam 

Shafaq roi hui aankhon ki maanind 

Sitaray mujh ko aansoo dikh rahay hain 

Mujhay in patiyon ki sar'sarahat 

Dabi aahon ki maanind lag rahi hai 

Prinday boltay hain to !

Mujhay lagta hai keh jaisay 

Yeh saray bain kartay hon

Main murjhaai hui , nochi hui 

Mujhay us dam khili kaliyaan 

Youn lagti hain !

Keh jaisay in ki be'bas zindagi par muskurati hon 

Na janay kiyon 

Meri aankhon ko her manzir bhout tareek lagta hai 

Mujhay sab gham to dikhtay hain 

Magar khushiyon bharay mousam 

Na janay kiyon nahin dikhtay 

Na janay woh shafaq , woh chand taray 

Phool aur kaliyan 

Jo in khushiyon bharay sab mousamon main 

Roshni kay ista'aray thay 

Kahan par chup kar baithay hain 

Dikhaai kiyon nahin detay ?

Prinday cheh'chahatay hain

Ya pattay sar'saratay hain

To woh naghmay !

Jo in khushiyon bharray sab mousamon ki 

Goonj hotay thay 

Kahan par kho gaye hain 

Sunaai kiyon nahin detay ?

Na janay kiyon 

Meri aankhon ko her manzir

Bhout tareek lagta hai 

Aaj baad muddat kay main ne us ko dekha hai

Aur kuch nahin badla

Aaj baad muddat kay 

Main ne us ko dekha hai

Woh zara nahin badli 

ab bhi apni aankhon main 

so sawal rakhti hai 

Choti choti baton par 

Ab bhi khul kay hansti hai 

Ab bhi us kay lehjay main 

Woh hi khan'khanahat hai 

Woh zara nahin badli 

Ab bhi us ki palkon kay 

Sa'iye geelay rehtay hain 

Ab bhi us ki sochon main 

Mera naam rehta hai 

Ab bhi meri khatir woh 

Us tarah hi pagal hai 

Woh zara nahin badli !

Aaj baad muddat kay 

Main ne us ko dekha ahi 

To mujhay bhi lagta hai 

Main bhi su ki cahhat main 

Us tarah hi pagal hoon 

Baad itni muddat kay 

Aur kuch nahin badla

Juz hamaray raaston kay 

Aur kuch nahin badla

 

Is tarah hoon teray khayal main gum

Is tarah hoon teray khayal main gum 

Aaina , Aainon kay jaal main gum 

Woh bhi deta nahin khabar apni 

Main bhi rehta hoon apnay haal main gum 

Main ne poocha bichar kay jee lo gay ?

Aur woh ho gaya sawal main gum 

Waqat ne to samait li baazi ! 

Aur woh reh gaya hai chaal main gum 

Yaad aayi to dil hua roshan 

Main raha phir usi ujaal main gum 

Mujh se nazrein chura kay woh guzra 

Aur main ho gaya malaal main gum 

Jis ko "Atif" yeh ishq nachwaiye 

Kiyon woh rehta hai is dhamaal main gum 

Ik dukh se bhari yaad

Ik dukh se bhari yaad 

Kaha us ne 

Zara tehro !

Mujhay kuch sochnay to do 

Main ab tak sochta hoon us kay baaray main 

Keh us ne kiyon kaha tha youn 

Keh us ki umar main socha nahin kartay

Itni si to baat hai bas Khud se mohabbat mat karna

Khud se mohabbat mat karna 

Itni si to baat hai bas 

Khud se mohabbat mat karna 

Itni si to baat hai bas 

Mujh se nafrat mat karna 

Itni si to baat hai bas 

Pyar main kasrat mat karna 

Itni si to baat hai bas 

Khud se wehshat mat karna 

 

Mohabbat main yeh hota hai

Pyar kay din 

Mohabbat main yeh hota hai 

Kabhi insan hansta hai 

Kabhi insan rota hai 

Mohabbat main yeh hota hai 

Keh woh lamha bhi aata hai 

Jab uthtay baith'tay insan 

Kisi nashay main rehta hai 

Phir ik ik se woh be'maqsad

Bas apnay dil ki kehta hai 

Zameen par paaon rakhna bhi 

Ussay dushwaar hota hai 

Woh shab bhar khud se larta hai 

Woh din bhar khwaar hota hai 

Koi kaisay samjh paaye 

Keh kaisay payar hota hai 

Yeh aisa teer hai goya 

Jo dil kay paar hoat hai

Itna rona theek nahin

Itna rona theek nahin 

Warna tum in aankhon main 

Khud hi doobtay jaao gay 

Us ko dhoondnay niklay ho 

Khud ko bhi kho aayo gay 

Mat do pani jazbon ko 

Warna phir pachtaao gay 

Dil ki dewaron tak tum 

Ik jungle ho jao gay 

Dard hi dard ugaao gay 

Itna rona theek nahin 

Khud ko khona theek nahin 

Niklo apnay khawabon se

Aitna sona theek nahin 

Poonjho apni aankhon ko 

Aansoo bona theek nahin 

Apnay dil kay haathon youn 

Be'bas hona theek nahin

Dekho toot'tay paton ko kaisay girtay jatay hain

Dekho toot'tay paton ko 

Kaisay girtay jatay hain 

Khaak main miltay jatay hain 

Haan haan theek kaha tum ne 

Phool bhi khiltay jatay hain 

Haan haan aisa hota hai 

Kal bhi patay tootay thay 

Sari baatein sachi thein 

Saray sapnay jhootay thay 

Ayo aaj ik ehad karein 

Tootay rishton ko jorein 

Aur ana ka butt torein 

Idher udher yeh jo kuch hai 

Aik hi khel ka hissa hai 

Bhout purana qissa hai 

Kaho ab kya kahon tum se batao kya likhon tum ko

Kaho ab kya irada hai 

Kaho ab kya kahon tum se

Batao kya likhon tum ko 

Mujhay tamheed do koi 

Mujhay umeed do koi 

Naya ik lafz ho koi 

Jahan se baat chal niklay 

Meri mushkil ka hal niklay

Batao lehja kaisa ho !

Keh tum se baat karni hai 

Mujhay thora ujala do 

Basar ik raat karni hai 

Zara bolo to main likhon 

Tum apni roshan aankhon ko 

Agar kholo to main likhon 

Tumharay lab se aaye ga 

Sukhan main ik kateela pan 

Tumhari aankh de day gi 

Takhatab ko nasheela'pan 

Kaho ab kya irada hai 

Mujhay izhaar karna hai 

Keh be'tabi ziyada hai

Mohabbat maar deti hai

Mohabbat maar deti hai 

Mohabbat bhi ajab shay hai 

Keh jab bazi pe aati hai 

To sab kuch jeet leti hai 

Ya sab kuch haar deti hai 

Mohabbat maar deti hai 

Mohabbat bhi ajab shay hai 

Keh jab aayi pe aa jaye 

To sab kuch cheen leti hai 

Ya sab kuch waar deti hai 

Mohabbat maar deti hai 

Mohabbat bhi ajab shay hai 

Keh kar-o-bar-e-hasti main 

Kabhi yeh phool banti hai 

Kabhi yeh khaar deti hai 

Mohabbat maar deti hai

Woh jo aik lamha hai deed ka

Woh jo aik lamha hai deed ka 

Husan keh jab bhi zaahir hota hai 

Ik lamhay ki khatir hota hai 

Is kay baad yeh manzir muddat tak 

Apnay aap main sota rehta hai 

Lakin yeh ehsaas mohabbat ka 

Koi mann main bota rehta hai 

Aur phir yeh dil rota rehta hai 

Yehni anjanay main kaisay yeh 

Ishq ka daman dhota rehta hai 

Husan keh jab bhi zaahir hota hai 

Ik lamhay ki khatir hota hai 

Lakin woh ik lamha dekho to 

Kitnay lamhay gum kar deta hai 

Aur hamari spochon ko 

Kaisay wehmon se bhar deta hai

 

 

Abhi mousam nahin aaya

Abhi mousam nahin aaya 

Main barfon se bharri choti baharon ki 

Meray andar khazana hai 

Meray pehlu main woh dil hai 

Keh jsi main khamoshi orhay huye poora zamana hai 

Meri aankhon se roshan hai 

Keh jo kuch main ne haal apna batana hai 

Wisal-e-mehar honay tak 

Meray aansoo paronay tak 

Hamein khud ko bachana hai , bulandi tak uthana hai 

Phir is kay baad hona hai jo hona hai 

Hamein to barf chandi hai 

Hamein to dhoop sona hai 

Utarna hai samandar bhi meri chaati se aakhir ko 

Abhi pani pe nasha hai 

Keh soya hai woh yakh-basta 

Woh jab chahye ga chupkay se bana lay ga koi raasta 

Uchaltay koodtay pani ki qismat main 

Abhi araam kay din hain 

Yahi kuch kaam kay din hain 

Abhi suraj nikalnay do 

Phir is kay baad baithein gay 

Isi pani se khelein gay

Bhout masroof rehta hoon

Bhout masroof rehta hoon 

Kabhi paniyon ko uchalna 

Kabhi barf rut ko ujaalna 

Kabhi badalon ki rida liye 

Ussay kohsaaron pe dalna 

Kabhi dhaampna ussay dhund main 

Kabhi manzaron se nikalna 

Hai ajeeb sa mera mashghala  

Keh hamesha chahatein paalna 

Kabhi dekhan ussay khawab main 

Kabhi rat'jagon kay azaab main 

Kabhi harf harf bakhair kar 

Ussay jama karna kitab main 

Kabhi mousamon se nikal kar 

Ussay lana apnay hisaab main 

Hai ajeeb sa mera shouq bhi 

Keh hamesha rehna saraab main

Go meri aankh se badal barsay

Go meri aankh se badal barsay 

Lakin bojh to utraa sar se

Dil main phir ik khamoshi si 

Toofan guzra hai is ghar se

Saahil ho ya ik samnadar 

Meri tarah se koi na tarsay 

Pyar main janay kya keh jaaon 

Chup rehta hoon apnay dar se

Aag lagaai hum ko hawa ne 

Aagay thay hum baal-o-par se 

"Saad" Oqaat hi kya hai apni 

BAch na sakay hum apnay shr se

Mujh ko Ae dost bachanay ki zaroorat kya thi

Mujh ko Ae dost bachanay ki zaroorat kya thi 

Kuch nahin tha to mitanay ki zaroorat kya thi 

Jab yeh matti hi muqaddar hai zameen zaadon ki 

Aasman sar pe uthanay ki zaroorat kya thi 

Aisa hota hai keh bas main nahin rehta kuch bhi 

Warna ghar baar lutanay ki zaroorat kya thi 

Dil ujarta hai to phir kuch nahin rehta baqi 

Bastiyan is main basanay ki zaroorat kya thi 

Tu bichar jata bataye bina ae dost meray 

Mujh ko ehsaas dilanay ki zaroorat kya thi 

Ab to yeh neend bhi sapnay ki tarah hai goya 

Khawab ko aankh bananay ki zaroorat kya thi 

Apna sar tu ne uthaya to bhout khoob kiya 

Haan magar is ko jhukanay ki zaroorat kya thi 

Aik ujri hui surat kay siwa kuch bhi nahin 

"Saad" is dil ko basanay ki zaroorat kya thi  

Thi haqeeqat to fasanay ki zaroorat kya thi

Thi haqeeqat to fasanay ki zaroorat kya thi 

Hum se larnay ko bahanay ki zaroorat kya thi 

Hum na kehtay thay keh phir loatna mushkil ho ga 

Yeh raah-o-rasam barhanay ki zaroorat kya thi 

Woh samajhta hai chraghan ka hai mela koi 

Is qadar deep janalay ki zaroorat kya thi 

Us ko maloom nahin rog sadaf ka shayed 

Warna zaahir ko chupanay ki zaroorat kya thi 

Aisa pani ka dabaao hai keh jee phat'ta hai 

Itni gehraai main janay ki zaroorat kya thi 

Aik pathar pe kiya naqsh hawa ne  mujh ko 

Her taraf khaak uraanay ki zaroorat kya thi 

"Saad" kaanton se rafu karna hai daman apna 

Raah main phool bichanay ki zaroorat kya thi

Dard ko ashk bananay ki zaroorat kya thi

Dard ko ashk bananay ki zaroorat kya thi 

Tha jo is dil main dikhanay ki zaroorat kya thi 

Hum ne jo kuch bhi kiya apni mohabbat main kiya 

Go samajhtay hain zamanay ki zaroorat kya thi 

Ho jo chahat to tapak parti hai khud aankhon se 

Ae meray dost batanay ki zaroorat kya thi 

Itnay hasaas hain saanson se pighal jatay hain 

Bijliyan hum pe giranay ki zaroorat kya thi 

Hum to pehlay hi teray haq main tahi dast huye 

Aisay ghayal pe nishanay ki zaroorat kya thi 

Aisay lagta hai keh kamzor bhout hai tu bhi 

Jeet kar jashan mananay ki zaroorat kya thi 

"Saad" aankhon se hai shikwa na hi dil se koi 

Naqsh pani pe bananay ki zaroorat kya thi

Mujh se youn aankh churanay ki zaroorat kya thi

Mujh se youn aankh churanay ki zaroorat kya thi 

Apni pehchaan ganwanay ki zaroorat kya thi 

In khatton ko kahin dariya main bahaya hota 

IS tarah khud ko jalanay ki zaroorat kya thi 

Phir se tasveer bana daali hai us ki tum ne 

Guftagoo main issay lanay ki zaroorat kya thi 

Yeh zaman aik samndar hai makaan saahil hai 

Rait par pair jamanay ki zaroorat kya thi 

Sun'nanay walay to haqeeqat hi badal detay hain 

Daastan apni sunanay ki zaroorat kya thi 

Yaas aata hai to aanay do yahi behtar hai 

Phir kaho gay keh bhulanay ki zaroorat kya thi 

Kya mila tum ko bata aik nadamat kay siwa 

"Saad" ehsaan jatanay ki zaroorat kya thi 

Harf-e-sheerin hai tarasheeda labon kay andar

Harf-e-sheerin hai tarasheeda labon kay andar

Dil kay katnay ka hai ehsaas ragon kay andar

Kya bataon keh meray payar kay din kaisay hain

Chand utarnay ka sama bhi hai shabon kay andar 

Us ki aankhon se hain roshan meri sochon kay chragh 

Ae hawa in ko chupa lay tu paron kay andar 

Aag lagti hai jo jazbon ko to ro leta hoon 

Warna jal jaye yeh dil mera palon kay andar 

Jo bhi likhta hoon woh shairon main dhala aata hai 

Mud'dua apna likhon kaisay khatton kay andar 

Baat kartay huye dar lagta hai us shakhs se "Saad"

Kon rakh paye wahan khud ko hadon kay andar

Pairon talay zameen to sar par gagan bhi hai

Pairon talay zameen to sar par gagan bhi hai

Baitha hoon gham zada keh yeh tera shagan bhi hai 

Mehav-e-gham-e-hayat hain aur khouf mout ka 

Lakin hamaray dil main kisi ki lagan bhi hai 

Jhulsaa rahi hai Manzaron ko dhoop mehar ki 

Lakin woh Aftaab keh saya fagan bhi hai 

Tujh se mohabatein to bhout ho chukiein ae dost 

Is ghoomti zameen kay ooper gagan bhi hai 

Main hoon keh bad'gumaan hoon us ki taraf se "Saad"

Woh hai keh meri zaat main yaksar magan bhi hai

Hum mukamal ghubaar main hain

Hum mukamal ghubaar main hain 

Yehni apnay hisaar main hain 

Tootnay ki yeh kaifiyat hai 

Hum hayat-e-khumaar main hain 

US ki baatein hain dil main aisay 

Rang jaisay anaar main hain 

Kohsaaron ko kya khabar hai 

Dariya apnay utaar main hain 

Weham hai yeh zameen sari 

"Saad" hum kis shumaar main hain

Raas aaya nahin insan hona

Raas aaya nahin insan hona 

Koi dekhye mera veeran hona 

Kis tarah sirf-e-nazar karta main 

Dil-e-kam'bakhat ka hairan hona 

Kitna Aasaab shikan hai jeena 

Is pe marnay ka bhi imkaan hona 

Tu haqeeqat sahi lakin phir bhi 

Hai fasana tera armaan hona 

Yeh to qismat ka ulat phair hua 

Ik pathar ko tha marjaan hona

Apni mehrumiyon pe rona kiyon

Apni mehrumiyon pe rona kiyon 

Is tarah se waqar khona kiyon 

Kis liye jaagna hai raaton ko 

Aur din bhar youn hi hai sona kiyon 

Ghar basaana to theek hai lakin 

Is main youn dar'badar sa hona kiyon  

Wapisi bhi ti Aain mumkin hai 

Apnay rastay main kaantay bona kiyon 

Ik nishani hai bash'shariyat ki yahan 

"Saad" daman ko apnay dhona kiyon

Shikway bhi hazaron hain shikayat bhi bohat hai

Shikway bhi hazaron hain shikayat bhi bohat hai

Is dil ko magar us se mohabbat bhi bohat hai

Aa jata hai milne wo tassawur me sar-e sham

Ek shaks ki itni si inayat bhi bohat hai

Ye bhi hai tamanna keh usey dil se bhula dein

Is dil ko magar us ki zaroorat bhi bohat hai

Dekhein to zara pee k yeh zeher-e-mohabat

Kehte hain kay is zeher me lazzat bhi bohat hai