Misal-e-sang kharra hai usi haseen ki tarah

Misal-e-sang kharra hai usi haseen ki tarah 

Makan ki shakal bhi dekho dil-e-makeen ki tarah 

Mala'imat hai andheray main us ki saanson se 

Damak rahi hain woh aankhein harray rangeen ki tarah 

Nawah-e-qariya hai sunsaan sham-e-sarma main 

Kisi qadeem zamanay ki sar'zameen ki tarah 

Zameen door se tara dikhai deti hai 

Ruka hai us pe qamar chasham-e-seez , main ki tarha 

Farab deti hai wusat-e-nazar ki ufqon par

Hai koi cheez wahan sehar-e-neelmein ki tarah 

Munir Ehad hai ab aakhir musafat ka 

Keh chal rahi hai hawa-e-baad wapisein ki tarah

Barishon main us se ja kay milnay ki hasrat kahan

Barishon main us se ja kay milnay ki hasrat kahan 

Kooknay do koyel ko , ab mujhay farsat kahan 

Jee to kehta hai keh us ko sath hi rakhein magar 

Apnay paas is husan Aaish angez ki qeemat kahan 

Talkh us ko kar diya arbaab-e-qariya ne bhout 

Warna ik shair kay dil main is qadar nafrat kahan 

Rok saktay thay ussay hum ibtida kay dour main 

Ab hamein dewangi-e-shaher par qudrat kahan 

Daikhta hoon her taraf , shayed dikhai de kabhi 

Par firakh-e-dasht main aadam ki woh surat kahan 

Aik manzil yeh bhi thi khawabon ki warna Ae Munir

Main kahan aur us diyar-e-ghair ki ghurbat kahan

Aa gayi yaad sham dhaltay hi

Aa gayi yaad sham dhaltay hi 

Bujh gaya dil chragh jaltay hi 

Khul gaye shaher-e-gham kay darwaze

Ik zara si hu kay chaltay hi 

Kon tha tu , keh phir na dekha tujhay 

Mitt gaya khawab aankh maltay hi 

Khouf aata hai apnay hi ghar se

Mah-e-shab-e-taab kay nikaltay hi 

Tu bhi jaisay badal sa jata hai 

Aks-e-dewar kay badaltay hi 

Khoon sa lag gaya hai haathon main 

Charh gaya zehar gul masaltay hi

Yeh kaisa nasha hai , main kis ajab khumaar main hoon

Yeh kaisa nasha hai , main kis ajab khumaar main hoon 

Tu aa kay ja bhi chuka hai , main intizar main hoon 

Makan hai qabar , jissay log khud banatay hain 

Main apnay ghar main hoon ya main kis mazaar main hoon 

Dar-e-faisal khula , ya pahar siray se hatta 

Main ab giri hui galiyon kay marg zaar main hoon 

Main hoon bhi aur nahin bhi , ajeeb baat hai 

Yeh kaisa jabar hai main kis kay ikhtiyaar main hoon 

Munir daikh shajar , chand aur dewarein 

Hawa khizan ki hai sar par , shab-e-bahar main hoon

Koi hadd nahin hai kamal ki

Koi hadd nahin hai kamal ki 

Koi had nahin hai jamal ki 

Wohi qarb-o-door ki manzalein 

Wohi shaam khawab-o-khayal ki 

Na mujhay hi us ka pata koi 

Na ussay khabar meray haal ki 

Yeh jawab meri sada ka hai 

Keh sada hai us kay sawal ki 

Yeh nimaz-e-asar ka waqat hai 

Yeh gharri hai din kay zawal ki 

Woh qiyamatein jo guzar gayein 

Thi amanatein kai saal ki 

Hai Munir teri nigah main 

Koi baat gehray malaal ki

Aur hain kitni manzalein baqi

Aur hain kitni manzalein baqi 

Jaan kitni hai jisam main baqi 

Zinda logon ki bood-o-baash main hain 

Murda logon ki aadatein baqi 

Us se milna woh khawab-e-hasti main 

Khawab madoom , hasratein baqi 

Beh gaye rang-o-noor kay chashmay 

Reh gayein un ki rangeen baqi 

Jin kay honay se hum bhi hai Ae awal 

Shaher main hain woh suratein baqi 

Woh to aa kay , munir ! ja bhi chuka 

Ik mehak si hai baagh main baqi

Main sun raha hoon ussay jo sunai deta nahin

Main sun raha hoon ussay jo sunai deta nahin 

Main daikhta hoon ussay jo dikhai deta nahin 

Bhout qiyaas ki khawaish safar main aati hai 

Talism sham-e-ghareeban rihai deta nahin 

Hai shouq-e-anjuman araai husan ko bhi , magar 

Majaal is ko gham ro'numai deta nahin 

Wisal arz-o-sama ka samaa hai jaisay koi 

Andhera itna ho , kuch sujhai deta nahin 

Munir khol de barh kar dar diyar-e-nida

Khamosh rehta hai kiyon ab duhai deta nahin

Chand nikla hai sar qariya-e-zulmat daikho

Chand nikla hai sar qariya-e-zulmat daikho

Ho gayi kaisi siyah khano ki rangat daikho

Samnay jo hai ussay aankh ka dhoka samjho 

In dariyaon ko sada khawab ki surat daikho 

Sair hai jaisay koi , aisay jahan se guzro 

Door tak phaila hai ik arsa-e-furqat daikho 

Khouf deta hai yahan abar main tanha hona 

Shaher-e-dar band main dewaron ki kasrat daikho 

Zar ki parchaiyan jo parti hai chamak uth'ta hai 

Aadam khaak ki be'hoshi main halat daikho 

saya un par bhout bhooli hui yadon ka 

Shaam aayi hai pari zaron main wehshat daikho 

Dagha hai is kay na honay se dilon main ab tak 

Urr gaya misal-e-saba , gul ki haqeeqat daikho 

Junglon main koi peechay se bula'ey to Munir 

Murr kay rastay main kabhi  us ki taraf mat daikho 

Aaina ab juda nahin karta

Aaina ab juda nahin karta 

Qaid main hoon , riha nahin karta 

Mustaqil sabar main hai koh-e-garan 

Naqsh-e-ibrat sada nahin karta 

Rang mehfil badalta rehta hai 

rang koi nahin karta 

Aaish-e-duniya ki justago mat kar 

Yeh dafeena mila nahin karta 

Jee main aaye jo kar guzarta hai 

Tu kisi ka kaha nahin karta 

aik waris hamesha hota hai 

Takhat khaali raha nahin karta 

Ehad-e-insaaf aa raha hai Munir 

Zulam da'im hua nahin karta

Kaisi kaisi be'samar yadon kay badlon main rahay

Kaisi kaisi be'samar yadon kay badlon main rahay 

Hum bhi itni zindagi kaisay wabalon main rahay 

Ik nazar bandi ka aalam thi nagar ki zindagi 

Qaid main rehtay thay jab tak shaher walon main rahay 

Hum agar hotay to miltay tujh se bhi jaan-e-jahan 

Khawab thay , na'paid duniya kay malalon main rahay 

Woh chamakna barq ka dasht-o-dar-o-dewar par

Saray manzir ik pal us kay ujalon main rahay 

Kya thein woh batein jo kehna chahtay thay waqat-e-marg 

Aakhri dam-e-yaar apnay kin khayalon main rahay 

Door tak maskan thay ban un ki sadaon kay Munir

Dair tak un nariyon kay gham shawalon main rahay

Nashaib weham faraz guraiz-e-pa kay liye

Nashaib weham faraz guraiz-e-pa kay liye 

Hisar-e-khaak hai par her intiha kay liye 

Wafoor-e-nasha se rangat siyah si hai meri 

Jala hoon main ajab chasham-e-surma kay liye 

Hai ird gird ghanna ban harray darakhton ka 

Khula hai kisi dewar main hawa kay liye 

Zameen hai maskan-e-shar , aasman sarab alood 

Hai sara ehad alood main kisi khat'ta kay liye 

Aseeri pas-e-aaina baqa aur tu 

Nikal kay aa bhi wahan se kabhi Khuda kay liye 

Kharra hoon zer-e-falak gumbad-e-sada main Munir

Keh jaisay haath utha ho koi dua kay liye

Safar main hai jo azal se yeh woh bala hi na ho

Safar main hai jo azal se yeh woh bala hi na ho 

Kawar khol kay dekho , kahin hawa hi na ho 

Nigah-e-aaina maloom aks na'maloom 

Dikhai deta hai jo asal main chupa hi na ho 

Zameen kay gird bhi pani , zameen ki teh main bhi 

Yeh shaher jam kay kharra hai jo tairata hi na ho 

Na ja keh us se paray dasht-e-marg ho shayed 

Palatna chahye wahan se to raasta hi na ho 

Main is khayal se jata nahin watan ki taraf 

Keh mujh ko daikh kay us butt ka jee bura na ho 

Kati hai jis kay khayalon main umar apnu Munir 

Maza to jab hai  keh us shokh ko pata hi na ho

Shaam kay maskan main veeran may'kadar ka dar khula

Shaam kay maskan main veeran may'kadar ka dar khula 

Baab khuli guzri sohbaton ka khawab kay andar khula

Kuch na tha juz khawab-e-wehshat woh wafa is ehad ki 

Raaz itni dair ka is umar main aa kar khula 

Jag'maga utha andheray main meri aahat se woh 

Yeh ajeeb is butt ka meri aankh par johar khula 

Ban main sar'goshi hui Asaar-e-aabru baad se

Band gham se jaisay ik ashjaar ka lashkar khula

Sabza-e-no rasta ki khushbu thi sahil par Munir !

Badalon ka rang  chatri ki tarah char par khula

Thak'kay logon ko majburi main chaltay daikh leta hoon

Thak'kay logon ko majburi main chaltay daikh leta hoon 

Main bas ki khirkiyon main se yeh tamashay daikh leta hoon 

Kabhi dil main udasi ho to in main ja nikalta hoon 

Puranay doston ko chup se baithay daikh leta hoon 

Chupatay hain bhout woh garmi-e-dil ko , magar main bhi 

Gul-e-rukh par urri rangat kay cheentay daikh leta hoon 

Kharra ho youn kisi khaali qillay kay sehan-e-veeran main 

Keh jaisay main zameno main dafeenay daikh leta hoon 

Munir andaza-e-qar fana karna ho jab mujh ko 

Kisi oonchi jaga se jhuk kay neechay daikh leta hoon

Abhi mujhay ik dasht-e-sada ki veerani se guzarna hai

Abhi mujhay ik dasht-e-sada ki veerani se guzarna hai 

Aik musafat khatam hui hai , aik safar abhi karna hai 

Giri hui deewaron main jakray se huye darwazon ki 

Khaakstar si dehleezon par sard hawaon ne darna hai 

Dartay jana hai dasht-o-jal ne  tanhai ki haibat se 

Aadhi raat ko jab mehtaab ne tareeki se ubharna hai 

Yeh to abhi aaghaz hai jaisay is pehnaye hairat ka 

Aankh ne sanwar jana hai rang ne aur nikharna hai 

Jaisay zar ki peelahat main moj-e-khoon utar'ti hai 

Zehar-e-zar kay tund nashay ne deeda-e-dil main utarna hai 

Nagar main shaam ho gayi hai ka'hish-e-mo'aash main

Nagar main shaam ho gayi hai ka'hish-e-mo'aash main 

Zameen pe phir rahay hain log rizq ki talash main 

Guzar gayi tamam umar is hisar-e-tang main 

Kashish hai ik mareez si makan ki bu-do-baash main 

Hilal harfe-khouf sa faisal sang-e-neel par

Hai ya adm ka zard rang khwaish-e-kharaash main 

Munir husan-e-batini ko koi daikhta nahin 

Mata-e-chasham kho gayi libaas ki traash main

Aseer-e-khawaish Qaid-e-maqam tu hai keh main

Aseer-e-khawaish Qaid-e-maqam tu hai keh main 

Nizam shams-o-qamar ka ghulam tu hai keh main 

Hai dono main zaahir , hai kon tu hai keh main 

Chuppa hua hai jo nazron se daam , tu hai keh main 

Nu'maish meh'kamil pe kis ka saya hai 

Yeh is kay charon taraf abar-e-shaam tu hai keh main 

Urra hai rang dar-o-baam-o-baran se 

Nagar ki is ghanni chup main madaam tu hai keh main 

Makan-e-door se aati hai ik sada si Munir 

Bhula diya jissay sab ne woh naam tu hai keh main 

Saray manzir aik jaisay , sari batein aik si

Saray manzir aik jaisay , sari batein aik si 

Saray din hain aik se aur sari ratein aik si 

Be'nateeja be'samar jung-o-jadal sood-o-ziyan 

Sari jeetein aik jaisi , sari matein aik si 

Sab mulaqaton ka maqsad kar-o-baar zar'garri

Sab ki dehshat aik jaisi , sab ki ghatein aik si 

Ab kisi main aglay waqaton ki wafa baqi nahin 

Sab qabeelay aik se hain ab , sari zaatein aik si 

Aik hi rukh ki aseeri khawab se , shehron ka ab 

In kay matam aik se , in ki baratein aik si 

Hoon agar zer-e-zameen to faida honay ka kya 

Sang-o-gohar aik hain phir sari dhatein aik si 

Ae Munir ! Azad ho is sehar-e-yak'rangi se tu

Ho gaye sab zehar yak'san , sab bana'tein aik si  

Ghairon se mil kar hi sahi , be'baak to hua

Ghairon se mil kar hi sahi , be'baak to hua 

Baray woh shokh pehlay se chalak to hua 

Jee khush hua hai girtay makano ko daikh kar

Yeh shaher-e-khouf khud se jiger chaak to hua 

Yeh to hua keh aadmi poncha hai maah tak 

Kuch bhi hua , woh waqif-e-aflaak to hua 

Kuch aur woh , hua na hua mujh ko daikh kar

Yaad bahar-e-husan se gham naak to hua 

Is kash'ma'kash main hum bhi thakay to hain ae Munir

Shaher-e-Khuda sitam se magar paak to hua

Rehta hai ik haraas sa qadmon kay sath sath

Rehta hai ik haraas sa qadmon kay sath sath 

Chalta hai dasht , dasht nooron kay sath sath 

Hathon ka rabt harf-e-khafi se ajeeb hai 

Hiltay hain raaz ki baton kay sath sath 

Uth'ti hui faseel-e-faghan had-e-shaher par

Galiyon ki chup qadeem makano kay sath sath  

Suraj ki aab zehar hai rangon ki aab ko 

Hai door tak bukhaar sa baghon kay sath sath 

Ariyan hua hai mah-e-shab aabru baad main 

Jaisay safaid roshni gharon kay sath sath 

Aya hoon main Munir kisi kaam kay liye 

Rehta hai khayal sa khawabon kay sath sath

Yeh aankh kiyon hai yeh haath kya hai

Yeh aankh kiyon hai yeh haath kya hai 

Yeh din hai kya cheez raat kya hai 

Firaaq khorasheed-o-mah kiyon hai 

Yeh us ka aur mera sath kya hai 

Guman hai kya is sanam kaday par

Khayal marg-o-hayat kya hai 

Faghan hai kis kay liye dilon main 

Kharosh dariya-e-zaat kya hai

Zameen pe harf-e-nijaat kya hai

Hai kon kis kay liye parishan 

Pata to de asal baat kya hai 

Be'lams kiyon rai'gaan hamesha

Fana main khouf-e-sibaat kya hai 

Munir is shaher-e-gham zada par 

Tera yeh sehar nishat kya hai 

Ik musafat paon shal karti hui si khawab main

Ik musafat paon shal karti hui si khawab main 

Ik safar gehra musal'sal zardi-e-mehtaab main 

Tez hai lu-e-shagoofa , haye marg-e-na'gahan 

Ghir gayi khaak zameen jaisay hisaar-e-aab main 

Hasil jehd-e-musal'sal , mustaqil aar'zadgi

Kaam karta hoon main justaju-e-na'yaab main 

Tang karti hai makan main khawaish sair-e-baseet

Hai asar da'im falak ka sehan ki mehraab main ae Munir

Ab is qadar khamoshiyan , yeh kya hua !

Yeh sifat aayi kahan se para-e-see'maab main

Imtihan hum ne diye is daar-e-fani main bhout

Imtihan hum ne diye is daar-e-fani main bhout 

Ranj kheenchay hum ne apni la'imkani main bhout 

Woh nahin us sa to hai khawab-e-bahar-e-jawidan 

Asal ki khushbu urri hai us kay sani main bhout 

Raat din kay aanay janay main yeh sona jaagna 

Fikar walon ko patay hain is nishani main bhout 

Koyelein kookein bhout dewar-e-gulshan ki taraf

Chand-o-maka hoz kay shafaaf pani main bhout 

Us ko kya yaad thein kya aur , kis jaga pe reh gayein 

Tez hai dariya-e-dil apni rawani main bhout 

Aaj is mehfil main tujh ko bolta dekha Munir 

Tu keh jo mashoor tha youn be'zubani main bhout 

Khumar-e-shab main , ussay main salam kar baitha

Khumar-e-shab main , ussay main salam kar baitha 

Jo kaam karna tha mujh ko , woh kaam kar baitha 

Qaba-e-zard pehan kar woh bazam main aaya 

Gul-e-hina ko hatheli main thaam kar baitha 

Chupa gaya tha mohabbat ka raaz main to magar 

Woh bhol'pan main sukhan-e-dil ko aam kar baitha 

Jo so kay utha to rasta ujaar lagta tha 

Ponchna tha mujhay manzil pe , shaam kar baitha 

Thakan safar ki badan main shal sa kar gayi be'Munir 

Bura kiya jo safar main qayaam kar baitha

Idher udher ki lakhon batein

Na'haq se milnay hum bhi itni door gaye 

Idher udher ki lakhon batein 

Asal jo thi wohi baat na ki 

Bhout fasanay duniya bhar kay 

Asal kahani yaad na thi 

Wohi shanasa aankhein jin main 

meri koi pehchan na thi 

Wohi gulabi hont thay jin par 

Meray liye muskan na thi 

Us kay baad bhout din thehra 

Us anjani basti main 

Bhout dino tak khaak uraai 

Is mai'daan-e-hasti main 

Us kay siwa bhi log bhout thay 

Husan kay jalway aur bhi thay 

Woh bhi us se nahin mila phir 

Hum bhi us se nahin milay 

Koi hai sheesha-o-sharab main mast

Koi hai sheesha-o-sharab main mast 

Koi hai lazzat-e-shabab main mast 

Mubtala hain sabhi kahin na kahin 

Main bhi hoon apnay khawab main mast

Yeh kaisa raag hai yaro ! dasht-o-dar se utha hai

Agar main raah ro hota 

Yeh kaisa raag hai yaro ! dasht-o-dar se utha hai 

Yeh jin jin bastiyon kay paas se ho kar guzarta hai 

Unhein ta'raaj karta aur aagay aur aagay barhta jata hai 

Agar main raah ro hota us kay saath jata main 

Main apni aankh s bar'badiyon kay woh manazar dekhta 

Aur Aah bharta .............

Rang rangeelay pankhon walay panchi hotay

Rang rangeelay pankhon walay panchi hotay

Rang rangeelay pankhon walay panchi hotay

Jab sawan ka maheena aata 

Kaali ghur ghata'ein lata 

Bondon kay sang raas rachatay  

Daal daal par shor machatay 

Harray bharray patton main sotay 

Rang rangeelay pankhon walay panchi hotay

Phir pholon ki  rut aa jati 

Saray jag main rang jamati 

Kali kali se nain milatay 

Phoolon ka mujh choomnay jatay 

Khushbu'on ma sudh khotay 

Phir ik aisi  rut bhi hoti 

Bujhnay lagti jeewan joti 

Thandi hawaon main urr jatay 

Kisi jatan se haath na aatay 

Door dais main baith kay rotay

Rang rangeelay pankhon walay panchi hotay 

 

Ik bara , khaakstari mai'daan tha phaila hua

Safar kay tlismaat 

Ik bara , khaakstari mai'daan tha phaila hua 

Door door tak kuch bhi na tha veeran darakhton kay siwa 

Ya purana sa khandar ik peeplon kay baagh ka 

Raat sar par aa gayi   aur main abhi rastay main tha 

Phir hawa chalnay lagi aur main abhi rastay main tha 

Meray jisam main zehar hai tera

Dushman ki taraf dosti ka haath 

Meray jisam main zehar hai tera 

Mera dil hai tera ghar 

Tu mo'jood hai sath hamesha 

Khouf sa ban kar sham-o-sehar 

Tera asar hai meray lahu par 

Jaisay chand samandar par

Itni zard hai rangat teri 

Jam jati hai us par nazar

Tu hai saza meray honay ki 

Ya hai mera zaad-e-safar 

Karay ga tu be'mar mujhay  , ya 

Banay ka na'maloom ka darr

Rahay ga da'im gehri teh main 

Jaisay andheray main koi dar 

Gum kar de ga raah main mujh ko 

Ya de ga manzil ki khabar 

Tu hai mera dost keh dushman 

Yeh to bata mujh ko ae zaar !

Jaisay baarish abhi abhi thami hai

Hairat ki manzil par husan ki nishaniyan 

Jaisay baarish abhi abhi thami hai 

Hawa aisi hai 

Kahin kahin se 

kabhi kabhi kisi koyel ka naghma-e-mah'juri 

Shaam-e-bahar darwaze pe dastak de rahi hai 

Naye naye , niklay sitaron 

Aur chand ki chak'ka chond main uljhi hui yeh shaam bhi ajeeb hai  

Kabhi chaman ki shakhon main kabhi farsh-e-zamurd par

Jung kay saye main jannat-e-arzi ka khawab 

Kabhi chaman ki shakhon main 

Kabhi farsh-e-zamurd par

Yeh gul'dam gaa rahi hai raagni ehad-e-mohabbat ki 

Khuli , cha'tail zameeno se 

Ghubar-e-sham main urti 

Sada'ein ghar ko wapis aa rahay masroor logon ki 

Ufaq tak khait sar'son kay 

Gulaab aur sabz gandum kay 

Haveli kay shajar par shor chiriyon kay cheh'haknay ka 

Ajab hairaniyan si hain 

Makano aur makeeno main 

Keh mousam aa raha hai gaon kay jungle mehaknay ka 

Phirti hui be'chain hawao meri madad ko ayo

Aik manzil par aik dua 

Phirti hui be'chain hawao 

Meri madad ko ayo 

Urti hui madham sadao !

Meri madad ko ayo 

Ayo mil kar is duniya ko jannat ki tasveer bana dain 

Aman aur husan ka khawab musarrat aadam ki taqdeer bana dain 

Yeh ik kaam hai jis main aa kar mera hath batao 

Phirti hui be'chain hawao !

Urti hui madham sadao !

Barishon ka mousam hai

Barishon ka mousam hai 

Barishon ka mousam hai 

Koyelon ki ku ku hai 

Aam kay darakht ki 

Sabz . tez khushbu hai 

Be'misal tanhai 

Be'kinar mai'daan ki 

Ik jhalak kahin is main 

Aab behar-e-hai'waan ki 

Us ko yaad hai jaisay 

Baat is zamanay ki 

Dhoom us kay dil main hai 

In dino kay aanay ki 

Ik umar main saray shajar banjar banjar se lagtay hain

Sakit tasveeron ka batin 

Ik umar main saray shajar banjar banjar se lagtay hain 

Phir bhi andar har'ra hai in ka , youn oper se lagtay hain 

Jaisay achanak kabhi khandar abaad nagar se lagtay hain 

Dil haibat se bharray huye aur chehray in kay khaali hain 

Jo kuch hai batin main hai aur zahir jin kay khaali hain 

Aankh jami hai in chehron par saray ehad kay logon ki 

Jaisay in hi kay paas dawa in kay saray logon ki 

Khayal itnay hain dil main samjh nahin aatay

Khayal itnay hain dil main samjh nahin aatay 

Samjh bhi ayein agar to kahay nahin jatay 

Woh samnay bhi jo hota to us se kya kehtay 

Bas us ki batein suntay hum aur chup rehtay 

Chaman ka zor , zor faseelon ki intiha tak hai 

Yeh shor barg-e-baharan ka bas hawa tak hai

Meray kamray kay bahir shaam jab dera jamati hai

Aik basar kya hua manzir 

Meray kamray kay bahir shaam jab dera jamati hai 

Nagar ki masjadon se gum azan ki goonj aati hai 

Shafaq sehan-e-makan main rafta rafta mit'ti jati hai 

Hawa tareek patton main khushi se sar'sarati hai 

Sitara khaak ki dewaar kay oper chamakta hai 

Keh jis se is ka baagh ik mai'daan sa lagta hai 

Gharoob-e-mehar ka manzir gharri hui guzra

Aaghaz-e-ramastan main dobara 

Gharoob-e-mehar ka manzir gharri hui guzra 

Bas ik pal ko neestan isi tarah larza

Giyah-e-sabz ki khushbu isi zamanay ki 

Usi tarah ki musarrat bahar aanay ki 

Wohi jamaal dar-e-wusqaf-o-baam main hoon 

Kinar rood siyah faam hai main hoon

Kis kay liye woh geet likhon

Us rukh-e-roshan ko dekhnay ki tamana 

Kis kay liye woh geet likhon ..............

Saray aalam kay shaheron main jis ki goonj sunai de

Jin ko sun kar chasham-e-jahan ko khawab ik naya dikhai de 

Kis kay liye woh geet likhon ...............

Sitaray ! meray khawab-e-umeed kay

Dost sitaray ko chamaktay rehnay ka ishara 

Sitaray ! meray khawab-e-umeed kay 

Sehar aanay wali ho ya sham-e-gham 

Ufaq ho safar ka keh yaam-e-alm 

Ho kasht-e-samror keh veeran chaman 

Naya shaher-e-imkaan keh yaron ka ban 

Sitaray meray khawab-e-umeed kay

Neela garm samandar oper dhoop ka sheesha chamkay

Aik aalam se doosray Aalamon ka khayal 

Neela garm samandar 

Oper dhoop ka sheesha chamkay 

Moti is kay andar 

Yaad aayi hain batein kitni

Baith kay us sahil par 

Ik be'maqsad umar kay qissay 

Bojh hain jo ab dil par 

Kya kya manzir dekhay main ne 

Kaisi jaghon  par ghooma 

Kaisay makano main din kaatay 

Kin logon main baitha 

Yeh manzir bhi yaad aaye ga 

Aur kisi mousam main 

Aur kisi dariya kay kinaray 

Aur kisi aalam main

Badaltay mousam ki raat hai

Badaltay mousam ki raat hai 

Badaltay mousam ki raat hai 

Mai'dano main andhera hai 

Woh samnay oonchi kursi kay makano ki 

neem roshni main 

Darwazon kay baahir kharray 

Log batein kar rahay hain ?

Siyasat ki ? mohabbat ki ? jung ki ?

Guzray huye dino ki ?

Aanay walay maah-o-saal ki ?

Kuch pata nahin chalta 

Bas door se un kay hont hiltay dikhai detay hain 

Kai tarah kay phool thay

Sabar ka samar 

Kai tarah kay phool thay 

Rang-o-bu kay khawab se

Bhout hi jald khil kay woh 

Bhout hi jald mitt gaye

Magar usi bahar main 

Bhout dair se khila 

Woh phool ik gulaab ka 

Jo dair tak khila raha

Shaam hai , tanha hawa baghon main hai

Shaam hai , tanha hawa baghon main hai

Kaal koyel ki sadaon se shajar zaron main hai 

Rif'aton par justagoo aur hijar kay naghmon kay din 

Aanay walay mousamon kay awaleen khawabon kay din 

Ik ajab Aa'inda ki tasveer kaakh-o-ku main hai 

Qariya zulmat-e-nishan ka khawab-o-jamaal hu main hai 

Hai yeh in ki zindagi kay rog ka koi ilaaj

Shaher ko to dekhnay ka ik tamasha chahiye

Hai yeh in ki zindagi kay rog ka koi ilaaj 

Ibtida hi se shayed shaher walon ka mizaaj 

Apnay Aala aadmi ko qatal karnay ka riwaj 

Marnay kay baad us ko dair tak rotay hain woh 

Apnay karda juram se aisay rihaa hotay hain woh 

Aik nagar aisa bas jaye jis main nafrat kahin na ho

Aik naya shaher dekhnay ki aarzu 

Aik nagar aisa bas jaye jis main nafrat kahin na ho 

Aapis main dhoka karnay ki , zulam ki taqat kahin na ho 

Us kay makeen hon maskan aur her tarah kay hon 

Us ki hawaein her tarah ki , aur gulshan aur tarah kay hon 

Ae shaher-e-be'misal ! teray baam-o-dar ki khair

Apnay shaher kay liye dua 

Ae shaher-e-be'misal ! teray baam-o-dar ki khair 

Ae husan-e-la'zawal ! teray baam-o-dar ki khair 

Dekhay hain tu ne door bhout aasman kay 

Beetay hain tujh pe ehad bhout imtihaan kay 

Ae qariya-e-jalaal ! teray baam-o-dar ki khair 

Ik daastan hai saath teray rang-o-noor ki 

Yaad hai teray saath bhout door door ki 

Khawab-e-shab-e-jamaal ! teray baam-o-dar ki khair 

Taskheer tujh ko kon karay ga jahan main 

Tu hai Khuda aur us kay Nabi ki amaan main 

Lahor par kamal ! teray baam-o-dar ki khair

Ae hilaal eid , tera husan wajah-e-rahat-o-aaram hai

Ae hilaal eid..........!

Ae hilaal eid , tera husan wajah-e-rahat-o-aaram hai 

Ae nishan-e-noor teri deed meray sabar ka inaam hai 

Dekhti aankh teray roop neelay aasman kay darmiyan 

Hai bhout hi door shaher-e-khaak tujh se ae nigar-e-zar'fishan 

Ae hilaal eid..........!

Tu jhalak hai shaam ki tanhai main gehray tarb ki jaan-e-jaan 

Ae kaman-e-rang teray , teray dil main gulistan-dar-gulistan 

Ae hilaal eid..........!

Manzil-e-dasht-e-wafa main khawab-e-ishrat ki haseen mehra tu 

Ik diyaar-e-gum'shuda kay kaakh daku ka ik sunehri baab tu 

Ae hilaal eid..........!

Khawab-e-jamaal-e-ishq ki tabeer hai Hussain (r.a)

Shaheed-e-karbala ki yaad main 

Khawab-e-jamaal-e-ishq ki tabeer hai Hussain (r.a)

Shaam-e-malaal-e-ishq ki tasveer hai Hussain (r.a)

Mehar ki peeli kiran us ki aankh par aa kar parri

Jashan-e-bahar main Hamd

Mehar ki peeli kiran us ki aankh par aa kar parri 

Rang kuch badla ajab is chasham-e-gham ne us gharri 

Par tu khu'rasheed se chamkay jharokay shaher kay 

Peeplon kay baagh kay pattay harray honay lagay 

Be'wafai khawab ki dil se juda hoti gayi

Ik sada-e-mashriq kay maydaan main hawa hoti gayi 

Kaisay guzray shaam kiyon kar aaye yaad

Hamd-e-Qadeem

Kaisay guzray shaam 

Kiyon kar aaye yaad 

Woh bhoola hua naam 

Be'chaini ho door 

Dil ko milay Aaram 

Kab yeh be'kal sham 

Ranj se yeh ho Azad 

Kab yeh su'na baab 

Phir ho ga abaad

Yeh dewar-e-aab 

Kaisay ho pa'yaab 

Taskeen utaar'ta hai dilon main Khuda ka naam

Hamd 

Taskeen utaar'ta hai dilon main Khuda ka naam 

Khushbu bakhairta hai gulon main Khuda ka naam 

Deta hai ta'iron ko nawa'on ki dil kashi 

Rehta hai jin se khaali jaghon main Khuda ka naam 

Aata hai misal harf-e-bisharat dam sehar 

Baad-e-sehar kay saath gharon main Khuda ka naam

Usi ka hukam jaari hai zameen aasmano main

Hamd

Usi ka hukam jaari hai zameen aasmano main 

Aur un kay darmiyan jo hai , makeeno makano main 

Hawa chalti hai baghon main to us ki yaad aati hai 

Sitaray chand suraj hain sabhi us kay nishano main 

Usi kay dam se teh hoti hai manzil khawab-e-basti ki 

Woh naam ik harf-e-norani hai zulmat kay jahano main 

Usi kay israar jahan ka ilm hai sara

Wohi bar'pa karay ga hashar aakhir zamano main 

Woh kar sakta hai jo chahaye , her ik shay pe qadir hai 

Woh sun sakta hai razon ko jo hain dil kay khazano main 

Bacha leta hai apnay doston ko khouf-e-batil se

Badal deta hai sholon ko mehaktay gulistano main 

Munir is hamd se rutba ajab hasil hua tujh ko 

Nazir is ki milay shayed purani daastano main 

Garcha likhi hui thi shahadat imaam ki

Garcha likhi hui thi shahadat imaam ki 

Lakin meray Hussain (r.a) ne hujat tamam ki 

Zainab ki be'ridai ne sar mera dhak diya 

Aaghaz-e-subh-e-no hui woh shaam , shaam ki 

Ik khawab-e-khaas chasham-e-Mohammad (PBUH)main tha chuppa 

Tabeer noor-e-Aain Mohammad (PBUH) ne aam ki 

Bachon ki pyaas maalik-e-kosar pe shaaq thi 

Saqi ko warna may ki zaroorat na jaam ki 

Har sa naseeb baadshahon ko nahin naseeb 

Aaqa se mil rahi thi gawahi ghulam ki 

Dariya pe tishna lab hain yeh sehra main shaad kaam 

Duniya ajab hai un kay safar aur qiyaam ki 

De kar raza raza jo chehra-e-shabeer zard hai 

Thi iltaja-e-jung yeh kis laala faam ki

Yeh chand aur yeh abar-e-rawan guzarta rahay

Yeh chand aur yeh abar-e-rawan guzarta rahay 

Jamaal-e-shaam teh aasman guzarta rahay 

Bharra rahay teri khushbu se tera sehan-e-chaman 

Bas aik mousam-e-ambar fishan guzarta rahay 

Sama'atein teray lehjay se phool chunti rahein 

Dilon kay saaz pe to naghma khawan guzarta rahay 

Khuda karay teri aankhein hamesha hansti rahein 

Diyaar-e-waqat se tu shaad'maan guzarta rahay 

Main tujh ko daikh na paon to kuch malaal nahin 

Kahin bhi ho tu , sitara-e-nishan guzarta rahay 

Main maangti hoon teri zindagi qayamat tak 

Hawa ki tarah se tu jawidaan guzarta rahay 

Mera sitara kahin toot kar bikhar jaye 

Falak se tera khat keh'kishan guzarta rahay 

Main teri chaon main kuch dair baith loon aur phir 

Tamaam raasta be'sayeban guzarta rahay 

Yeh aag mujh ko hamesha kiye rahay roshan 

Meray wajood se to shola saman guzarta rahay 

Main tujh ko daikh sakon aakhri bisarat tak 

Nazar kay samnay bas ik saman guzarta rahay 

Hamara naam kahin to likha hua ho ga 

Mah-o-najoom se yeh khaak'daan guzarta rahay 

Main tera saath na de paon phir bhi tera safar 

Gulaab-o-khawab kay hi darmiyan guzarta rahay 

Main teray seenay pe sar rakh kay waqat bhool gayi 

Khayal-e-tezi umar-e-rawan guzarta rahay !

In dino meri apnay aap se bol chal band hai

In dino 

Meri apnay aap se bol chal band hai !

Meray andar aik baanjh ghussa 

Phunkaarta rehta hai 

Na mujhay dasta hai   

Na meray gird apni girift dheeli karta hai 

Nain'wa ki sar'zameen 

Aik baar phir surkh hai 

Faraat kay pani par

Abn-e-ziyaad kay taraf daron ka aik baar phir qabza hai 

Zameen aur aasman 

Aik baar sham'shahay ka lahu 

Wasool karnay se inkaari hain 

Aur meray chehray par ab mazeed lahu ki jaga nahin !

Fateh foj aur roshni aur aag kay farq ko nahin samjhti !

Sehra ki raat kaatnay kay liye inhein alaao ki zaroorat thi 

So unhon ne meray kutab khanay jala diye !

Lakin main ehtijaaj bhi nahin kar sakti 

Meray balon main surkh iskaarf bandha hai 

Aur meray glaas main coca cola hans raha hai 

Meray samnay doller ki haddi pari hui hai !

Aik hi haath main sab kuch simit aaya shayed

Aik hi haath main sab kuch simit aaya shayed 

Baad'shaht ka zamana palat aaya shayed

Dil ko duniya ki zaroorat hi nahin parnay di 

Teray lashkar se akelay nibat aaya shayed

Dafan kar aayi main jungle main khazana lakin 

Saamp sa phir koi dil se lipat aaya shayed

Is qadar bheer thi is baar bhi rastay main teray 

Koi chehra , kisi khirki se hat aaya shayed

Loatnay walay ko pehchan'nana mushkil thehra 

Aik chehra , kai chehron main batt aaya shayed

Kisi surat se abhi sar ko bacha rakha tha 

Jung be'sarfa main lakin woh waqat kat aaya shayed

 

Main apni pyas par khamosh thi

Main apni pyas par khamosh thi 

Aur raig-e-sehra ki tarah se zindagi ko dhoop ka tukra samjhti thi 

Kabhi sairaab honay ki tamana ne 

Badan main sar uthaya bhi 

To apnay dil se mazrat kar li 

Kaha us se 

Keh andar aag kaisi hi bharakti ho 

Mujhay baarish ki janib aankh utha kar dekhnay ka haq nahin hai 

Zuban par aablay partay rahein 

Lakin mujhay shabnam nahin chakhni 

Mujhay badalon kay haathon se koi tohfa nahin lena 

Nami ki aik hi surat hai meri zindagi main 

Aur woh aansu hai !

Magar jab se kisi lehjay kay num ne 

Meray dil ki rait ko aa kar chua hai 

Meray andar 

Mukamal bheeg janay ki tamana jaag uthi hai 

Lahu main ab meray bas aatish siyaal hai 

Aur jisam angaray ki tarah se dehakta hai 

Magar kya bakhat hai mera

Keh dariya choom kar mera kinara 

Chor deta hai 

Sarapa-e-tishnagi hoon 

Aur bharra piyala labon tak laa kay koi 

Kheench leta hai !